“अप्रेशनल कमाण्ड तथा व्यवस्थापन (OCM Level-II) तालिम” २४ औं समूहको अन्तर्क्रिया तथा समापन कार्यक्रम सम्पन्न

यस राष्‍ट्रिय प्रहरी प्रशिक्षण प्रतिष्‍ठान, महाराजगञ्जमा संचालन भएको अप्रेशनल कमाण्ड तथा व्यवस्थापन (OCM Level-II) तालिम” २४ औं समूहको प्रतिष्‍ठानका कार्यकारी निर्देशक प्रहरी अतिरिक्त महानिरीक्षक सुदिप गिरीज्यूको प्रमुख आतिथ्यतामा आज मिति २०८१/०८/२४ गते अन्तरक्रिया तथा तालिम समापन कार्यक्रम सम्पन्न भयो । अन्तरक्रियाको क्रममा प्रशिक्षार्थीहरूको सुझावहरू ग्रहण गर्नुका साथै तालिम व्यवस्थापन र वर्तमान अवस्थाका प्रहरीका कमाण्ड चुनौतीका सम्बन्धमा आएका जिज्ञासाहरू सम्बोधन गर्नु भएको थियो । प्रमुख अथितिज्यूले दिक्षित भई जाने प्रशिक्षार्थीहरूलाई प्रमाण पत्र वितरण एवं उपस्थित सम्पूर्ण प्रहरी कर्मचारीहरूलाई निर्देशन सम्बोधन गर्ने क्रममा अहिलेको समय भनेको सामाजिक वातावरणिय अवस्थालाई मध्यनजर गरी Proactive Policing समेत गर्दै श्रीवृद्धि गराउने कुरामा जोड दिनु भयो साथै तालिमको दौरानमा सिकेका सैद्धान्तिक तथा व्यावहारिक ज्ञानले प्रशिक्षार्थीहरूको कमाण्ड व्यवस्थापनलाई थप मजबुत बनाउने जसबाट संगठनको आन्तरिक शुद्धिकरण र सुद्धिकरण गर्नको निमित्त मद्धत पुग्न सक्ने व्यहोरा समेत जानकारी गराउनु भएको थियो । उक्त कार्यक्रममा प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानार्चाय, उप निर्देशकहरू लगायत अन्य सिनियर प्रहरी अधिकृतहरू, जुनियर प्रहरी अधिकृत एवं प्रशिक्षक वर्गको समेत उपस्थित रहेको थियो ।

हार्दिक बधाई !!!

प्र.नि.आधारभूत तालिमका प्रशिक्षार्थीहरू Bungee Jump र Canyon Swing मा सहभागी

यस प्रतिष्‍ठानमा प्रशिक्षणरत प्रहरी निरीक्षक आधारभूत तालिम १-१८३ औं समूहमा सहभागी प्रशिक्षार्थीहरु विविध साहसिक गतिविधिहरु अन्तर्गत सिन्धुपाल्चोक जिल्ला बाह्रविसे नगरपालिका स्थित The Last Resort को भोटेकोशी Bungee Jump क्षेत्रमा Bungee Jump र Canyon Swing मा  सहभागी गराउने क्रमका केही तस्विरहरु । 

भेटघाट तथा बधाई ज्ञापन कार्यक्रम सम्पन्न

एशियन प्यासिफिक कराते महासंघको कार्यक्रम तथा नेपाल कराते डो संघको वार्षिक कार्यक्रम अनुसार मित्रराष्ट्र सिंगापुरमा मिति २०८१।०८।१२ गतेदेखि ऐ. १६ गतेसम्म सञ्चालन भएको “16th Asian Pacific Shitoryu Karate Championship 2024” मा सहभागी नेपाली राष्‍ट्रिय कराते टिमबाट पदक विजेता हुन सफल नेपाल प्रहरीका निम्न प्रशिक्षक तथा खेलाडीहरुलाई आज मिति २०८१/०८/१९ गतेका दिन ‍यस राष्ट्रिय प्रहरी प्रशिक्षण प्रतिष्ठानका निर्देशक प्रहरी नायब महानिरीक्षक डा.मनोज कुमार के.सी.ज्यूद्वारा भेटघाट तथा बधाई ज्ञापन कार्यक्रम सम्पन्न ।पुरस्कारहरु१.     टिम कातामा रजत, २. करार एरिका गुरुङ- स्वर्ण, ३. ट्रायल एलिसा रास्कोटी एकल काता तर्फ- कास्य ४. ट्रायल निरुपा दोङ तामाङ- रजत (स्वर्ण-१, रजत-२ र कास्य-१ गरी जम्मा ४ पदक सहित टिम दोस्रो हुन सफल)

पुलिस लिडरसिप तथा स्टाफ कोर्षको सम्बन्धी छलफल कार्यक्रम सम्पन्न

 नेपाल प्रहरीमा निकट भविष्यमा सञ्चालन हुन गईरहेको पुलिस लिडरसिप तथा स्टाफ कोर्षको तयारीको क्रममा मिति २०८१/०८/१६ गते र १७ गते नेपाली सेना कमाण्ड तथा स्टाफ कलेजका विषय विज्ञहरु (Subject Matter Expert) र राष्ट्रिय प्रहरी प्रशिक्षण प्रतिष्ठानका सिनियर प्रहरी अधिकृतहरुको बीचमा स्टाफ कोर्षको व्यवसायिक पाठ्यक्रमको ढाँचा, मूल्याङ्कन प्रणाली, अभ्यास सञ्चालन कार्यविधि लगायतका विषयवस्तुहरु समेटिएको कार्यशाला (Workshop) राष्ट्रिय प्रहरी प्रशिक्षण प्रतिष्ठान महाराजगञ्जमा सञ्चालन भएको थियो । उक्त कार्यक्रममा नेपाली सेना र नेपाल प्रहरीका ११ जना अधिकृतहरुको उपस्थिती रहेको थियो ।

दर्ज्यानी चिन्ह सुशोभन कार्यक्रम सम्पन्न

तालुक प्रहरी प्रधान कार्यालय कर्मचारी प्रशासन शाखाको च.नं. २८५२, प्रहरी महानिरीक्षकको मिति २०८१/०८/११ गतेको निर्णयानुसार जनपद तर्फको प्रहरी सहायक निरीक्षक पदबाट प्रहरी नायब निरीक्षक पदमा पदोन्नती हुनुभएका प्रहरी नायब निरीक्षकहरु पूर्ण बहादुर थापा, डिल्ली बहादुर मल्ल र रबिन श्रेष्ठलाई यस राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा आज मिति २०८१ मंसिर १६ गते दर्ज्यानी चिन्हद्वारा सुशोभन कार्यक्रम सम्पन्न भएको । उक्त कार्यक्रममा प्रमुख अतिथिज्यूले बढुवा हुनु भएका प्रहरी नायब निरीक्षकहरुलाई बधाई एवम् शुभकामना व्यक्त गर्दै पदोन्नतीसँगै भोलिका दिनमा अझ जिम्मेवारी भएर व्यवसायिक, ईमान्दारिता तथा थप क्रियासिल भई पदिय जवाफदेहिताको लागी राज्य, संगठन र जनता प्रति अनुग्रहित हुदैं कुशलतापूर्वक कार्यसम्पादन गर्न समेत निर्देशन दिनु भएको थियो ।