दर्ज्यानी चिन्ह सुशोभन

नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखाको च.नं. ३३६६, प्रहरी उपरीक्षकको मिति २०८१।०९।०३ गतेको निर्णयानुसार जनपद समूहतर्फको प्रहरी सहायक हवल्दार पदबाट प्रहरी हवल्दार पदमा बढुवा हुनु भएका प्रहरी हवल्दारहरु केदार न्यौपाने र हिरा बहादुर राईलाई यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा दर्ज्यानी चिन्हद्वारा सुशोभन कार्यक्रम सम्पन्न मितिः२०८१।०९।०८ गते । ।  

“४२ औं आई.जी.पी. रनीङ शिल्ड फुटबल प्रतियोगिता-२०८१” को समुद्घाटन सम्पन्न

आज मिति २०८१।०९।०७ गते ०९:०० बजे नेपाल प्रहरी खेलकुद समितिको आयोजनामा राष्ट्रिय प्रहरी प्रशिक्षण प्रतिष्ठान, महाराजगञ्जमा सञ्चालन भईरहेको "४२ औं आई.जी.पी. रनिङ शिल्ड फुटबल प्रतियोगिता-२०८१" को समुद्घाटन कार्यक्रम प्रमुख अतिथि राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवं नेपाल प्रहरी खेलकुद समितिका सदस्य-सचिव प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा सम्पन्न भयो । राष्ट्रिय प्रहरी प्रशिक्षण प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका सह-निर्देशकज्यू लगायत सिनियर प्रहरी अधिकृत, जुनियर प्रहरी अधिकृत, प्रतियोगितामा सहभागी नेपाल प्रहरी प्रधान कार्यालय, राष्ट्रिय प्रहरी प्रशिक्षण प्रतिष्ठान, काठमाडौं उपत्यका प्रहरी कार्यालय र सात प्रदेश गरी कुल दश टिमका खेलाडी तथा अफिसियलहरु लगायतका अन्य प्रहरी कर्मचारीहरु समेतको उपस्थिति रहेको उक्त कार्यक्रममा आफ्नो मन्तव्य व्यक्त गर्ने क्रममा प्रमुख अथितिज्यूले नेपाली खेलकुदमा नेपाल प्रहरीको योगदानको स्मरण गर्दै नेपाल प्रहरीमा हुने आन्तरिक खेलकुद प्रतियोगिताहरु स्तरीय खेलाडी उत्पादनको आधारको रुपमा रहेकाले प्रतियोगिताहरुको सम्भाव्यता खोजी गरी सञ्चालनको लागि प्रयास गरिने प्रतिवद्धता व्यक्त गर्नुका साथै सम्पूर्ण सहभागी टिमहरुलाई खेल अवधिभर उच्च अनुशासनमा रही आफ्नो खेल कौशल प्रदर्शन गर्न निर्देशन समेत दिनु भयो । उक्त कार्यक्रममा प्रतियोगिताको मुल आयोजक समितिका सदस्य-सचिव प्रहरी नायव उपरीक्षक रामेश्वर पौडेलले प्रतियोगिता सम्बन्धी संक्षिप्त जानकारी प्रस्तुत गर्नु भयो । प्रमुख अतिथिज्यूद्वारा राष्ट्रिय फुटबल रेफ्री ज्ञान बहादुर तामाङलाई बल हस्तान्तरण गरी सञ्चालन भएको उद्घाटन खेलमा राष्ट्रिय प्रहरी प्रशिक्षण प्रतिष्ठान र बागमती प्रदेश प्रहरी कार्यालय बिचको खेलमा ०-० गोलको बराबरीमा प्रतियोगिता हुन सफल साथै बा.प्र.प्र.का. टिमका जर्सी नं. १ का प्र.स.ह. विजय सारु म्यान अफ द म्याच घोषित हुन सफल भयो । यस प्रतियोगिता मिति २०८१ पौष ७ देखि ऐ. १६ गतेसम्म सञ्चालन हुनेछ । प्रतियोगितामा प्रथम हुने टिमले ३,००,०००/- (तिन लाख) र द्वितीय हुने टिमले १,५०,०००/- (एक लाख पचास हजार) प्राप्त गर्नेछन् भने अन्य विभिन्न विधाहरुमा उत्कृष्ट खेल प्रदर्शन गर्ने खेलाडीहरुलाई समेत विधागत नगद पुरस्कारको समेत व्यवस्था गरिएको छ ।

“घरेलु हिंसा उजुरी सुनुवाई तथा मेल मिलाप सीप विकास प्रशिक्षक प्रशिक्षण कार्यशाला”

आज मिति २०८१।०९।०१ गते बेलायत सरकार र Foreign Commonwealth and Development Office UK को आर्थिक सहयोगमा United Nations Office for Project Service (UNOPS) द्वारा राष्ट्रिय प्रहरी प्रशिक्षण प्रतिष्ठानमा एक दिवसीय “घरेलु हिंसा उजुरी सुनुवाई तथा मेल मिलाप सीप विकास प्रशिक्षक प्रशिक्षण कार्यशाला” गोष्ठिमा यस प्रतिष्ठानका कार्यकारी निर्देशक प्रहरी अतिरिक्त महानिरीक्षक सुदिप गिरी, Senior Programme Manager, UNOPS का Stephen Otters, GESI Officers, UNOPS का कृति थापा र CPP-GBV- Specialist, UNOPS तथा नेपाल प्रहरीका पूर्व प्रहरी अतिरिक्त महानिरीक्षक मीरा चौधरीको उपस्थितिमा गोष्ठी कार्यक्रम सम्पन भयो ।

दर्ज्यानी चिन्ह सुशोभन कार्यक्रम सम्पन्न

नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखाको च.नं. ३१००, प्रहरी उपरीक्षकको मिति २०८१/०८/२४ गतेको निर्णयानुसार जनपद तर्फको प्रहरी हवल्दार पदबाट प्रहरी बरिष्ठ हवल्दार पदमा पदोन्नति हुनुभएका प्रहरी बरिष्ठ हवल्दारहरु लाल बहादुर बराम, र चेतन घिमिरेलाई यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा आज मिति २०८१ मंसिर २७ गते दर्ज्यानी चिन्हद्वारा सुशोभन कार्यक्रम सम्पन्न भएको । उक्त कार्यक्रममा प्रमुख अतिथिज्यूले बढुवा हुनु भएका प्रहरी बरिष्ठ हवल्दारलाई बधाई एवम् शुभकामना व्यक्त गर्दै पदोन्नतिसँगै भोलिका दिनमा अझ जिम्मेवारी भएर व्यवसायिक, ईमान्दारिता तथा थप क्रियासिल भई पदिय जवाफदेहिताको लागि राज्य, संगठन र जनता प्रति अनुग्रहित हुदैं कुशलतापूर्वक कार्यसम्पादन गर्न समेत निर्देशन दिनु भएको थियो ।

हार्दिक बधाई एवम् शुभकामना

मिति २०८१।०८।२१ गतेदेखि ऐ. २४ गतेसम्म मित्रराष्ट्र भियतनाममा सञ्चालन भएको "Vietnam 2024 Asian Open Police Taekwondo Championship" मा ३ स्वर्ण, १ रजत र ३ कास्य गरी कुल ७ पदक हासिल गर्न सफल नेपाल प्रहरीका तेक्वान्दो खेलाडीहरुलाई आज मिति २०८१/०८/२७ गते यस प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक सुदिप गिरीज्यूबाट हार्दिक बधाई एवम् आगामी दिनहरुमा थप सफलताको शुभकामना  समेत व्यक्त गर्नु भयो ।पदकहरुः१.     प्र.स.ह. जित बहादुर बोट  (स्वर्ण-२)२.     प्र.ज. निशा दर्नाल  (स्वर्ण- २)३.     प्र.ज. प्रेम बहादुर लिम्बु –(रजक -१)४.     प्र.ज. अस्विन राउत  (कास्य- १)५.     प्र.ज. अन्जान चौधरी (कास्य -१६.     प्र.ज. रमिला लामा (कास्य-१)  

हार्दिक बधाई !!!