"उत्कृष्टताको लागी केन्द्र"
नेपाल आर्चरी संघको आयोजनामा मिति २०८३ वैशाख २६ गतेदेखि २८ गतेसम्म पोखरा स्थित आर्चरी मैदानमा सञ्चालन भएको “१३औं राष्ट्रिय आर्चरी प्रतियोगिता–२०८३” मा नेपाल प्रहरीका आर्चरी खेलाडीहरूले उत्कृष्ट प्रदर्शन गर्दै ५ स्वर्ण, ४ रजत र २ कास्यसहित कुल ११ पदक हासिल गरेका छन्।प्रतियोगितामा नेपाल प्रहरी टोलीले विभिन्न विधामा उत्कृष्ट खेल प्रदर्शन गर्दै उल्लेखनीय सफलता हासिल गरेको हो। उक्त उपलब्धिले नेपाल प्रहरीको खेलकुद क्षेत्रमा रहेको सक्रियता, अनुशासन तथा प्रतिस्पर्धात्मक क्षमतालाई थप उजागर गरेको छ। प्रतियोगितामा पदक विजेता खेलाडीहरूलाई नेपाल प्रहरी परिवारले हार्दिक बधाई तथा आगामी प्रतियोगिताका लागि शुभकामना व्यक्त गरेको छ।
Masters in Police Sciences (MPS) कार्यक्रम समावेश गरिएको Police Leadership and Staff Course (PLSCE Batch 02) को उद्घाटन कार्यकम मिति २०८३ वैशाख २८ गते सम्पन्नल भएको छ । उक्त समारोहमा नेपाल प्रहरीका प्रहरी महानिरीक्षक श्री दानबहादुर कार्की प्रमुख अतिथिका रूपमा उपस्थित हुनुहुन्थ्यो।प्रहरी महानिरीक्षक कार्कीले औपचारिक समारोहमा पानसमा दीप प्रज्वलन गरी पाठ्यक्रमको उद्घाटन गर्नुभएको थियो।समारोहमा त्रिभुवन विश्वविद्यालय व्यवस्थापन संकायका डीन प्रा. डा. महानन्द चालिसे, मानवस्रोत व्यवस्थापन विभाग प्रमुख अतिरिक्त प्रहरी महानिरीक्षक राजन अधिकारी, राष्ट्रिय प्रहरी प्रतिष्ठानका कार्यकारी निर्देशक अतिरिक्त प्रहरी महानिरीक्षक सिद्धि विक्रम शाह, MPS सल्लाहकार प्रा. डा. राजीव विक्रम राणा, आन्तरिक फ्याकल्टी संयोजक (अवकाशप्राप्त) अतिरिक्त प्रहरी महानिरीक्षक देवेन्द्र सुवेदी, कलेज निर्देशक प्रहरी नायव महानिरीक्षक दिनेश कुमार आचार्य लगायत प्रहरी अधिकृतहरूको उपस्थिति रहेको थियो।
नेपाल प्रहरी पुरुष फुटबल टोलीले आठौं राईनो संरक्षण गोल्डकप फुटबल प्रतियोगिता २०८३ मा प्रथम स्थान हासिल गरेको छ। राईनो क्लबको आयोजनामा मिति २०८३ वैशाख १२ गतेदेखि २३ गतेसम्म सञ्चालन भएको प्रतियोगितामा उत्कृष्ट प्रदर्शन गर्दै नेपाल प्रहरी टोली उपाधि जित्न सफल भएको हो। प्रतियोगितामा टोलीका प्रशिक्षक चेत कुमार घिमिरे उत्कृष्ट प्रशिक्षक घोषित भएका छन्। टोलीको उत्कृष्ट प्रदर्शनमा खेलाडी तथा अफिसियलहरूको महत्वपूर्ण योगदान रहेको बताइएको छ।उक्त सफलताप्रति नेपाल प्रहरी पुरुष फुटबल टिमका सम्पूर्ण खेलाडी, प्रशिक्षक तथा अफिसियलहरूलाई हार्दिक बधाई तथा आगामी प्रतियोगिताका लागि शुभकामना व्यक्त गरिएको छ।
मिति २०८३।०१।२३ गते राष्ट्रिय प्रहरी प्रशिक्षण प्रतिष्ठान, महाराजगञ्जका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूको प्रमुख आतिथ्यतामा नेपाल प्रहरी प्रधान कार्यालय, कर्मचारी प्रशासन शाखाको च.नं. ६७९९, मिति २०८३/०१/११ गतेको पत्रदेशानुसार प्रहरी नियमावली २०७१ (संसोधन सहित) को नियम ३९ बमोजिम जनपद प्रहरी समूह तर्फको प्रहरी जवान पदबाट प्रहरी सहायक हवल्दार पदमा विशेष बढुवा हुनुभएका नेपाल पुलिस क्लब क्रिकेट टिमका क्याप्टेन म. आरीफ शेखलाई दर्ज्यानी चिह्नद्वारा सुशोभन कार्यक्रम सम्पन्न भयो । उक्त कार्यक्रममा प्रमुख अतिथिज्यूले माया ग्रुप यु.के. र नेपाल प्रहरी शारीरिक सुगठन तथा खेलकुद शिक्षालय बिच २०२६ देखि २०२७ सम्म नेपाल पुलिस क्रिकेट टिमका लागि खेल सामग्री प्रायोजन गर्ने सम्झौता भए अनुरुप प्राप्त खेल सामग्रीहरू नेपाल पुलिस क्लब क्रिकेट टिमका खेलाडी तथा अफिसियलहरूलाई प्रदान गर्नुभएको थियो ।
मिति २०८२/१२/०८ गते देखि नेपाल प्रहरी अपराध अनुसन्धान विद्यालय, महाराजगञ्जमा सञ्चालित अपराध अनुसन्धान (सि.प्र.अ.) तालिम १०१ औं समूहको मिति २०८३/०१/२२ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्युको प्रमुख आतिथ्यतामा समापन कार्यक्रम सम्पन्न भयो । उक्त कार्यक्रममा प्रमूख आतिथिज्यूले दीक्षित भई जाने प्रशिक्षार्थीहरूलाई प्रशिक्षणको क्रममा प्राप्त गरेको ज्ञान, सीप र क्षमतालाई कार्यक्षेत्रमा उच्च मनोबलका साथ अक्षरश पालना गरी नेपाल प्रहरी संगठनको अपराध अनुसन्धान क्षेत्रलाई सदैव प्रयत्नशील राखिरहनुपर्ने कुरामा जोड दिदै प्रमुख अतिथिज्यूले शुभकामना सहितको निर्देशन सम्बोधन र प्रमाणपत्र वितरण समेत गर्नुभएको थियो भने तालिम संयोजक प्रहरी उपरीक्षक गोबिन्द राज काफ्लेज्यूले तालिम सम्बन्धि संक्षिप्त प्रतिवेदन प्रस्तुत गर्नु भएको थियो । उक्त कार्यक्रममा यस प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका सह-निर्देशकज्यू लगायत अन्य सिनियर प्रहरी अधिकृतज्यू, जुनियर प्रहरी अधिकृत र प्रशिक्षक तथा प्रशिक्षार्थीहरूको समेत उपस्थिति रहेको थियो ।
आज मिति २०८३।०१।२२ गते राष्ट्रिय प्रहरी प्रशिक्षण प्रतिष्ठानका कार्यकारी निर्देशक तथा नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक श्री शिद्धी बिक्रमज्यूको प्रमुख आतित्थ्यतामा पूर्व राष्ट्रिय भलिबल खेलाडी तथा नेपाल पुलिस क्लब भलिबल टिमका कप्तान दिपक राज जोशीलाई उहाँको उत्कृष्ट खेल जीवनको सम्मानमा आयोजित विशेष कार्यक्रममा सम्मान ज्ञापन गरिएको छ ।मिति २०७० सालदेखि नेपाल प्रहरीबाट राष्ट्रिय स्तरका प्रतियोगिताहरूमा सक्रिय सहभागिता जनाउँदै वि.सं. २०७३ सालदेखि २०७९ सालसम्म नेपाली राष्ट्रिय भलिबल टोलीमा आबद्ध रहँदै राष्ट्रको गरिमा उच्च बनाउन महत्वपूर्ण योगदान पुर्याउनु भएको थियो । विभिन्न राष्ट्रिय तथा अन्तर्राष्ट्रिय प्रतियोगिताहरूमा उत्कृष्ट प्रदर्शन गर्दै राष्ट्र र संगठनको छवि उज्ज्वल बनाउन सफल हुनु भएका उहाँले मिति २०८३।०१।१९ गते भलिबल खेलबाट औपचारिक रूपमा सन्यास लिनु भएको थियो ।
आर.एस. पोखरा फुटबल क्लबको आयोजनामा मिति २०८३/०१/१८ गतेदेखि ऐ. २० गतेसम्म पोखरामा सञ्चालन भएको “प्रथम पोखरा महिला गोल्ड कप २०८३” मा प्रथम स्थान हासिल गर्नुका साथै विधागत रुपमा उत्कृष्ट घोषित हुन सफल सर्वाधिक गोलकर्ता रेखा पौडेल, गोलरक्षक उषा नाथ तथा प्रतियोगिताको सर्वोत्कृष्ट खेलाडी निर्मला वि.क. लगायत नेपाल प्रहरी महिला फुटबल टिमका सम्पूर्ण खेलाडी तथा अफिसियलहरूलाई आज मिति २०८३/०१/२२ गते यस प्रतिष्ठानका कार्यकारी निर्देशक तथा नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक श्री शिद्धी बिक्रम शाहज्यूले हार्दिक बधाई एवम् आगामी दिनहरुमा थप सफलताको शुभकामना व्यक्त गर्नु भयो ।
नेपाल भलिबल संघको आयोजनामा मिति २०८३।०१।१० गतेदेखि ऐ. १९ गतेसम्म राष्ट्रिय खेलकुदको कभर्डहलमा सञ्चालन भएको “दशौं प्रधानमन्त्री कप एन.भि.ए. महिला तथा पुरुष भलिबल लिग २०८३” मा प्रथम स्थान हासिल गर्न सफल नेपाल प्रहरी महिला भलिबल टिम तथा विधागत रुपमा उत्कृष्ट घोषित हुन सफल स्पाइकर लक्ष्मी चन्द, प्रशिक्षक रुपेश कुमार विष्ट र सर्वोत्कृष्ट खेलाडी उषा भण्डारी साथै तृतीय स्थान हासिल गर्न सफल नेपाल प्रहरी पुरुष भलिबल टिम लगायत सम्पूर्ण खेलाडी तथा अफिसियलहरूलाई आज मिति २०८३/०१/२२ गते यस प्रतिष्ठानका कार्यकारी निर्देशक तथा नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक श्री शिद्धी बिक्रम शाहज्यूले हार्दिक बधाई एवम् आगामी दिनहरुमा थप सफलताको शुभकामना व्यक्त गर्नु भयो ।
ललितपुर म.न.पा. वार्ड नं. ११ को प्रायोजनमा खोल्चा पखरी टोल सुधार समिति तथा खोल्चा पुखु खेलकुद उप समितिको संयुक्त आयोजनामा मिति २०८३।०१।१८ र १९ गते सञ्चालन भएको “दोस्रो पुष्पराज स्मृति राष्ट्रिय टेबल टेनिस प्रतियोगिता २०८३” मा प्रथम स्थान हासिल गर्न सफल नेपाल प्रहरीका टेबल टेनिसका प्रशिक्षक तथा खेलाडीहरुलाई मिति २०८३/०१/२१ गते यस प्रतिष्ठानका कार्यकारी निर्देशक तथा नेपाल प्रहरी शारीरिक सुगठन तथा खेलकुद शिक्षालयका सदस्य सचिव प्रहरी अतिरिक्त महानिरीक्षक श्री शिद्धी बिक्रम शाहज्यूले हार्दिक बधाई एवम् आगामी दिनहरुमा थप सफलताको शुभकामना व्यक्त गर्नु भयो ।
पोखरा, २० वैशाख — आर.एस. पोखरा फुटबल क्लबको आयोजनामा वैशाख १८ गतेदेखि २० गतेसम्म पोखरामा सम्पन्न “प्रथम पोखरा महिला गोल्ड कप २०८३” को उपाधि नेपाल प्रहरी महिला फुटबल टिमले जितेको छ।प्रतियोगितामा उत्कृष्ट प्रदर्शन गर्दै नेपाल प्रहरीले प्रथम स्थान हासिल गरेको हो। प्रतियोगितामा व्यक्तिगत विधातर्फ नेपाल प्रहरीकी रेखा पौडेल सर्वाधिक गोलकर्ता घोषित भइन् भने उषा नाथ उत्कृष्ट गोलरक्षक चुनिइन्। त्यसैगरी, निर्मला वि.क. प्रतियोगिताकै सर्वोत्कृष्ट खेलाडी घोषित भइन्।विजेता टिमका खेलाडीहरूको समन्वय, अनुशासन र उत्कृष्ट प्रदर्शन प्रतियोगिताभरि उल्लेखनीय रहेको आयोजकले जनाएको छ। टिमका अफिसियलहरूको रणनीतिक भूमिका पनि सफलतामा महत्वपूर्ण रहेको बताइएको छ।उक्त प्रतियोगिताले महिला फुटबलको प्रवर्द्धनमा सकारात्मक योगदान पुर्याउने विश्वास आयोजकको रहेको छ।
ललितपुर महानगरपालिका वडा नं. ११ को प्रायोजनमा खोल्चा पखरी टोल सुधार समिति तथा खोल्चा पुखु खेलकुद उप–समितिको संयुक्त आयोजनामा “दोस्रो पुष्पराज स्मृति राष्ट्रिय टेबल टेनिस प्रतियोगिता २०८३” सम्पन्न भएको छ।मिति २०८३ साल वैशाख १८ र १९ गते सञ्चालन भएको उक्त प्रतियोगितामा नेपाल प्रहरीका खेलाडीहरूले उत्कृष्ट प्रदर्शन गरेका छन्। प्रतियोगिताको महिला तर्फ नबिता श्रेष्ठ र पुरुष तर्फ संयोग कपाली प्रथम स्थान हासिल गर्न सफल भएका छन्।विजेता खेलाडीहरूलाई आयोजक तथा स्थानीय प्रतिनिधिहरूले बधाई तथा शुभकामना व्यक्त गरेका छन्।
नेपाल भलिबल संघको आयोजनामा मिति २०८३ साल वैशाख १० गतेदेखि १९ गतेसम्म राष्ट्रिय खेलकुद परिषद्को कभर्डहलमा सम्पन्न “दशौं प्रधानमन्त्री कप एन.भि.ए. महिला तथा पुरुष भलिबल लिग २०८३” मा नेपाल प्रहरी महिला भलिबल टिमले प्रथम स्थान हासिल गरेको छ।प्रतियोगितामा उत्कृष्ट प्रदर्शन गर्दै नेपाल प्रहरी महिला टिम च्याम्पियन बनेको हो। प्रतियोगितामा उत्कृष्ट स्पाइकरको उपाधि लक्ष्मी चन्दले प्राप्त गरिन् भने प्रशिक्षकतर्फ रुपेश कुमार विष्ट उत्कृष्ट घोषित भए। यसैगरी प्रतियोगिताको सर्वोत्कृष्ट खेलाडी (एमभिपी) को उपाधि उषा भण्डारीले हात पारिन्।यसैबीच, पुरुषतर्फ नेपाल प्रहरी भलिबल टिमले तृतीय स्थान हासिल गर्न सफल भएको छ।प्रतियोगितामा उत्कृष्ट प्रदर्शन गर्ने सम्पूर्ण खेलाडी तथा अफिसियलहरूलाई बधाई दिइएको छ।
प्रहरी निरीक्षक आधारभूत तालिम १-१८४ औं समूहको आयोजनामा प्रतिष्ठानका कार्यकारी निर्देशक श्रीमान् प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा विविध साँस्कृतिक कार्यक्रम सम्पन्न । उक्त कार्यक्रममा भ्रमणमा सहभागी तीन समूह - सगरमाथा आधार शिविर समूह, थोरोङ- ला पास समूह र अन्नपूर्ण आधार शिविर समूहद्वारा भ्रमण सम्बन्धी संक्षिप्त प्रस्तुतिकरण, भिडियो प्रस्तुतिकरण तथा साँस्कृतिक प्रस्तुतिकरण प्रस्तुत भएको । भ्रमणको क्रममा प्रमुख अतिथिज्यूबाट प्रशिक्षार्थीहरूले व्यक्तिगत रूपमा लिएका तस्वीर तथा सामूहिक रूपमा तयार गरिएको भिडियोग्राफी मध्येबाट उत्कृष्ट र सर्वोउत्कृष्ट फोटोग्राफी र भिडियोग्राफी गर्न सफल प्रशिक्षार्थी तथा समूहलाई प्रशंसापत्र वितरण गर्नुका साथै प्र.नि.आ.ता १-१८४ औं समूहको प्रथम वार्षिकोत्सव (Job Anniversary) को अवसरमा सुभकामना समेत व्यक्त गर्नुभएको।
भारत सरकारको अनुदान सहयोगमा काभ्रेपलाञ्चोक जिल्लाको पनौती नगरपालिका वडा नं.- ६, दलिन्चोकमा निर्माण हुँदै गरेको राष्ट्रिय प्रहरी प्रशिक्षण प्रतिष्ठान परियोजनाको स्थलगत भ्रमण तथा अनुगमन कार्यक्रम, नेपाल सरकार तालुक गृह-मन्त्रालयका श्रीमान् गृह सचिव राजकुमार श्रेष्ठज्यूको प्रमुख आतिथ्यतामा सम्पन्न भयो ।उक्त कार्यक्रममा संगठन प्रमुख प्रहरी महानिरीक्षक दान बहादुर कार्कीज्यू, राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्यू, परियोजनाका भारतीय परामर्शदाता Central Public Works Department (CPWD) का ईन्जिनियरहरू, निर्माण व्यवसायी ACIL-RCPL JV का प्राविधिक तथा प्रतिनिधीहरूको उपस्थिति रहेको थियो । श्रीमान् गृह सचिव राजकुमार श्रेष्ठज्यू, संगठन प्रमुख प्रहरी महानिरीक्षक दान बहादुर कार्कीज्यू लगायत उपस्थित पधादिकारीहरूले परियोजनाको स्थलगत भ्रमण गरी निर्माणधिन प्रतिष्ठानको बारेमा विस्तृत जानकारी लिनु भई छलफल एवं निर्देशन समेत प्रदान गर्नु भएको थियो भने नेपाल प्रहरी संगठन प्रमूख श्रीमान प्रहरी महानिरीक्षक दान बहादुर कार्कीज्यूले उपस्थित सम्पूर्ण महानुभावहरूमा धन्यवाद ज्ञापन गर्नु भएको थियो ।
राष्ट्रिय प्रहरी प्रशिक्षण प्रतिष्ठान, महाराजगञ्जमा संचालित “घरेलु हिंसा उजुरी सुनुवाई तथा मेलमिलाप सीप विकास प्रशिक्षक प्रशिक्षण” (सि.प्र.अ./जु.प्र.अ.) तेश्रो समूहको मिति २०८३ वैशाख १३ गते यस प्रतिष्ठान तथा नेपाल प्रहरी स्टाफ कलेजका सह-निर्देशक प्रहरी वरिष्ट उपरीक्षक वेद विष्टज्यूको प्रमुख आतिथ्यतामा समापन कार्यक्रम समापन भयो । उक्त कार्यक्रममा प्रमुख अतिथिज्यूबाट प्रशिक्षार्थीहरूलाई प्रमाणपत्र बितरण गर्नुको साथै निर्देशन सम्बोधन समेत गर्नुभएको थियो भने तालिम सह-संयोजक प्रहरी निरीक्षक भरत अधिकारीज्यूले तालिम सम्बन्धी संक्षिप्त प्रतिवेदन प्रस्तुत गर्नुभएको थियो ।
राष्ट्रिय प्रहरी प्रशिक्षण प्रतिष्ठानमा मिति २०८२/१२/२३ गते देखि सञ्चालित १६ कार्य दिनको गैह्र-आवसिय ‘प्रशिक्षक प्रशिक्षण तालिम’ ४१ औं समुहको यस प्रतिष्ठानका कार्यकारी निर्देशक श्रीमान् प्र.अ.म.नि. शिद्धी बिक्रम शाहज्यूको प्रमूख आतिथ्यतामा अन्तरक्रिया तथा समापन कार्यक्रम सम्पन्न भयो । उक्त कार्यक्रममा तालिमका तालिम संयोजक प्रहरी उपरीक्षक नारायण रंजितकारज्यूले तालिम सम्बन्धी संक्षिप्त प्रतिवेदन प्रस्तुत गर्नुभएको थियो भने प्रमुख अतिथीज्यूले प्रशिक्षार्थीहरूलाई प्रमाण-पत्र वितरण गर्नुका साथै निर्देशन सम्बोधन समेत गर्नुभएको थियो ।
अन्तर्राष्ट्रिय आरोग्य दिवसको अवसरमा राष्ट्रिय प्रही प्रशिक्षण प्रतिष्ठान तथा नेपाल प्रहरी स्टाफ कलेजका निर्देशक श्रीमान् प्रहरी नायव महानिरीक्षक दिनेश कुमार आचार्यज्यूको प्रमुख आतिथ्यतामा योग ध्यान कार्यक्रम सम्पन्न भयो । उक्त कार्यक्रममा प्रतिष्ठानका सह-निर्देशक, सिनियर प्रहरी अधिकृत, जुनियर प्रहरी अधिकृत, प्रहरी हवलदार तथा जवानका साथै आधारभूत तालिमका प्रशिक्षार्थीहरूको समेत सहभागिता रहेको थियो ।
राष्ट्रिय प्रहरी प्रशिक्षण प्रतिष्ठानमा सञ्चालित शारीरिक व्यायाम प्रशिक्षक प्रशिक्षण तालिम नवौं समूहको आज मिति २०८२।१२।२६ गते नेपाल पुलिस स्टाफ कलेज तथा यस प्रतिष्ठानका निर्देशक प्रहरी नायव महानिरीक्षक श्री दिनेश कुमार आचार्यज्यूको प्रमुख आतिथ्यतामा अन्तरक्रिया तथा समापन कार्यक्रम सम्पन्न भयो । उक्त कार्यक्रममा प्रमुख अतिथिज्यूले प्रशिक्षार्थीहरुलाई प्रमाणपत्र वितरण गर्नुको साथै निर्देशन सम्बोधन गर्नुभएको थियो भने तालिम संयोजक प्रहरी नायव उपरीक्षक राजु पाण्डेले तालिम सम्बन्धी संक्षिप्त प्रतिबेदन प्रस्तुत गर्नुभएको थियो ।
नेपाल प्रहरी अपराध अनुसन्धान विद्यालय, महाराजगञ्जमा सञ्चालन भएको आर्थिक अपराध अनुसन्धान तालिम १३ औं समूहको आज मिति २०८२/१२/२६ गते नेपाल पुलिस स्टाफ कलेज तथा यस प्रतिष्ठानका निर्देशक प्रहरी नायव महानिरीक्षक श्री दिनेश कुमार आचार्यज्यूको प्रमुख आतिथ्यतामा सम्पन्न भयो । उक्त कार्यक्रममा प्रशिक्षार्थीहरूलाई प्रमाण-पत्र वितरण गर्नुका साथै प्रमुख अतिथिज्यूले निर्देशन सम्बोधन गर्नु भएको थियो भने तालिम संयोजक प्रहरी नायव उपरीक्षक हेमराज घिमिरेले तालिम सम्बन्धी प्रतिवेदन समेत प्रस्तुत गर्नु भएको थियो ।
आज मिति २०८२।१२।१५ गते नेपाल प्रहरी संगठन प्रमूख प्रहरी महानिरीक्षक दान बहादुर कार्कीज्यूको प्रमुख आतिथ्यतामा "नेपाल प्रहरीको चालु आ.व, २०८३ को अर्धवार्षिक समीक्षा तथा आगामी आ.व. २०८३/०८४ को तालिम क्यालेण्डर तर्जुमा गोष्ठी”को प्रस्तुतिकरण सहित समापन कार्यक्रम सम्पन्न भयो । राष्ट्रिय प्रहरी प्रशिक्षण प्रतिष्ठान महाराजगंजको आयोजनामा संचालन भएको उक्त कार्यक्रममा निर्देशन सम्बोधन गर्नु हुँदै प्रहरी महानिरीक्षज्यूले प्रस्तावित तालिम क्यालेण्डरले TNA गरी प्राप्त तथ्यांकको बिश्लेषण, संगठनको आवश्यकता, प्रहरी कर्मचारीको वृत्ति विकास, प्रशिक्षण केन्द्रहरुको क्षमता र जनशक्ति, तालिम औचित्यता पुष्टि सहितको बिश्लेषण, अध्ययन तथा छलफलबाट प्रस्तावित तालिम कार्यक्रम बनेकोमा खुशी व्यक्त गर्दै नेपाल प्रहरी संगठनको उद्देश्य तथा लक्ष्य हासिल गर्न सक्ने योग्य एवं कुशल प्रहरी जनशक्तिको विकास गर्न प्रस्तावित तालिम कार्यक्रम सक्षम हुनेमा आफू विश्वस्त रहेको कुरा बताउनु भयो । प्रशिक्षण केन्द्रहरुले तालिम कार्यक्रमको प्रभावकारी कार्यान्वयनमा जोड दिनु पर्ने बताउँदै वर्तमान चुनौतिहरुको सामना गर्न सक्ने जनशक्तिको विकास गर्न निर्देशन समेत दिनु भयो । उक्त कार्यक्रममा यस प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्यूले धन्यवाद मन्तव्य राख्ने क्रममा सम्पूर्ण तालिम प्रदायक प्रहरी कार्यालयहरुको तर्फबाट प्रतिबद्दता जाहेर गर्दै बार्षिक तालिम क्यालेण्डर अनुसार सञ्चालन हुने प्रशिक्षण गतिविधिहरुलाई प्रभाबकारी रुपमा सञ्चालन गर्ने, प्रशिक्षण केन्द्रहरुबाट संचालन हुने समान प्रकृतिका तालिमहरुको सञ्चालन प्रकृया तथा गुणस्तरमा एक रुपता कायम गर्ने, प्रशिक्षण केन्द्रहरुमा अनुसरण गरीएका असल अभ्यासहरुलाई अन्य प्रशिक्षण केन्द्रहरुसँग परस्पर समन्वय गरी अबलम्बन गर्न सबै तालिम केन्द्रहरुले अझ प्रभावकारी बनाउन सबै प्रशिक्षण केन्द्र लाग्नु पर्ने साथै प्रहरी महानिरीक्षकज्यूबाट निर्देशन भएका कुराहरुलाई सम्पूर्ण प्रशिक्षण केन्द्रहरुले प्रभाबकारी रुपमा कार्यान्वयन गर्ने कुरा व्यक्त गर्नु भयो । मन्तव्य राख्ने क्रममा तालिम क्यालेण्डर निर्माण गर्नु पूर्व TNA गरी पहिचान गरिएका आवश्यक तालिमहरुमात्र क्यालेण्डरमा समावेश गर्ने, नेपाल प्रहरीको तालिम संचालन कार्यादेश, २०७९ लाई सम्पूर्ण प्रशिक्षण केन्द्रहरुले प्रभावकारी रुपमा कार्यान्वयन गर्नु पर्ने कुरा समेत व्यक्त गर्नु भयो । उक्त कार्यक्रममा प्रहरी निरीक्षक देव राज पौडेज्यूले स्वागत मन्तव्य व्यक्त गर्नु भएको थियो भने प्रहरी उपरीक्षक नवराज कार्कीज्यूले प्रस्तावित तालिम क्यालेण्डर सम्बन्धी प्रस्तुतिकरण गर्नु भएको थियो । उक्त कार्यक्रममा नेपाल प्रहरी प्रधान कार्यालयका बिभिन्न विभागका प्रमूख प्रहरी अतिरिक्त महानिरीक्षकज्यूहरु, प्रहरी नायब महानिरीक्षकज्यूहरु, प्रशिक्षण प्रदायक कार्यालयका निर्देशक, प्रधानाचार्य, प्राचार्य, समादेशक, प्रहरी बरीष्ठ उपरीक्षकज्यूहरु लगायत सिनियर प्रहरी अधिकृतज्यूहरुको उपस्थिति रहेको थियो ।
राष्ट्रिय प्रहरी प्रशिक्षण प्रतिष्ठानको ७० औं वार्षिकोत्सव आज मिति २०८२।१०।२९ गते नेपाल प्रहरी संगठन प्रमुख श्रीमान् प्रहरी महानिरीक्षक दान बहादुर कार्कीज्यूको प्रमुख आतिथ्यतामा सम्पन्न भयो । उक्त अवसरमा नेपाल पुलिस स्टाफ कलेज तथा प्रतिष्ठानका निर्देशक प्रहरी नायब महानिरीक्षक दिनेश कुमार आचार्यज्यूले प्रमुख अतिथिज्यू लगायत समारोहमा उपस्थित सम्पूर्ण विशिष्ट अतिथि, अतिथि महानुभावहरुलाई राष्ट्रिय प्रहरी प्रशिक्षण प्रतिष्ठान परिवारको तर्फबाट हार्दिक स्वागत गर्दै बार्षिक प्रतिवेदन प्रस्तुत गर्नुभएको थियो । प्रतिवेदन प्रस्तुत गर्ने क्रममा प्रशिक्षण केन्द्रले उत्पादन गरेका जनशक्तिको कार्यसम्पादन शैली नै नेपाल प्रहरीको वास्तविक ऐना हुने भएकाले संगठनको गरिमामय ईतिहासलाई अझै दर्बिलो खम्बा बनि माथि उठाउन सक्ने जनशक्तिको निर्माणमा यो प्रशिक्षण केन्द्र सधैँ लागिरहनेछ भन्ने कुरा समेत व्यक्त गर्नुभएको थियो ।कार्यक्रमका प्रमुख अतिथिज्यूले यस अवसरमा राष्ट्रिय प्रहरी प्रशिक्षण प्रतिष्ठानबाट प्रकाशित बार्षिक पुस्तक “प्रेरणा-२०८२” को लोकार्पण गर्नुका साथै नेपाल प्रहरीको बार्षिक तालिम क्यालेण्डर अनुसारका प्रशिक्षण गतिविधिलाई व्यवस्थित तथा प्रभावकारी रुपमा सञ्चालन गरी व्यावसायिक एवम् दक्ष जनशक्ति उत्पादन गर्ने उत्कृष्ट प्रशिक्षण प्रदायक संस्थालाई यसै वर्षबाट सुरुवात गरिएको प्रथम रनिङ ट्रफिबाट सर्वोत्कृष्ट प्रहरी तालिम केन्द्रको रुपमा छनौट भई नेपाल प्रहरी शिक्षालय, भरतपुरका समादेशक प्र.ब.उ. तारा देवि थापाज्यू र सर्वोद्वितीय हुन सफल लुम्बिनी प्रदेश प्रहरी तालिम केन्द्र, बुटवलका प्र.ब.उ. सन्तोष सिंह राठोरज्यूलाई प्रशंसा-पत्र वितरण गर्नु भएको थियो ।यसैगरी प्रमुख अतिथिज्यूबाट प्रतिष्ठानलाई सहयोग गर्ने व्यक्तित्वहरुलाई सम्मान पत्र, प्रहरी कर्मचारीहरुलाई पुरस्कार एवं प्रशंसा पत्र तथा प्रशिक्षण केन्द्र लगायत नेपाल प्रहरीका बिभिन्न प्रहरी ईकाईहरुमा लामो समय सेवा गरी दक्ष जनशक्तिको उत्पादन तथा विकासमा महत्वपूर्ण भूमिका निर्वाह गर्नु भएकोमा अवकास प्राप्त प्रहरी निरीक्षक ठागा बहादुर चौधरीलाई Life Time Achievement Award द्वारा सम्मान गर्नु भएको थियो । प्रमुख अतिथिज्यूबाट मन्तव्य राख्ने क्रममा बिद्यमान चुनौतिहरुको सामना गर्न सक्ने दक्ष एवं व्यवसायिक प्रहरी जनशक्ति उत्पादनमा प्रशिक्षण केन्द्रहरुको भुमिका महत्वपूर्ण हुने भएकाले राष्ट्रले सुम्पेको जिम्मेवारीलाई कुशलतापूर्वक बहन गर्न सक्ने दक्ष र योग्य मानवस्रोतको उत्पादन तर्फ प्रशिक्षण केन्द्रहरु सदैव संवेदनशिल हुन जरुरी रहेको कुरा बताउनु भयो । नागरिक प्रति उत्तरदायी, मानवअधिकार प्रति संबेदनशिल, निष्पक्ष, व्यावसायिक एवं कानूनी राज्यको अवधारणा प्रति प्रतिवद्ध प्रहरी जनशक्तिबाट मात्र नागरिक र प्रहरी बीचको सम्बन्धलाई थप उचाईमा पुर्याउन सम्भब हुने भएकाले प्रशिक्षण केन्द्रहरुले सदैव संवेदनशिल भई आधुनिक प्रशिक्षण बिधिका आयामहरुलाई अंगिकार गर्दै प्रभावकारी रुपमा प्रशिक्षण गतिविधि सञ्चालन गर्न आवश्यक निर्देशन दिनुहुँदै बार्षिकोत्सवको अवसरमा प्रतिष्ठानलाई शुभकामना समेत व्यक्त गर्नु भयो ।त्यस्तै धन्यवाद मन्तव्य राख्ने क्रममा प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूले हरेक प्रहरी अधिकृतहरुको व्यावसायिक जीवनको उद्गमस्थल तथा पहिलो पाठ्शालाको रुपमा रहेको यस ऐतिहासिक स्थलले नेपाल प्रहरीका कर्मचारीको व्यक्तित्व र व्यावसायिकता निर्माण गर्दै सदैव नागरिक सेवामा समर्पित रहिरहन प्रेरणा प्रदान गरिरहेको कुरा उल्लेख गर्नुभयो । बिद्याको मन्दिरको रुपमा रहेको यस प्रतिष्ठानको बसाई, भोगाई र सिकाईले प्रत्येक प्रहरी अधिकृतलाई पाईला-पाईलामा प्रशस्त मार्गनिर्देशन गर्नुका साथै पेशागत रुपमा दत्तचित्त भई अगाडी बढीरहन सदैव प्रेरित गरिरहेको कुरा बताउनु भयो । साथै मन्तव्यका क्रममा प्रमुख अतिथिज्यू, बिशिष्ट अतिथीज्यू, आमन्त्रित अतिथिज्यूहरु लगायत कार्यक्रममा उपस्थित सबैलाई धन्यवाद दिँदै बार्षिकोत्सवलाई सफल बनाउन प्रत्यक्ष तथा अप्रत्यक्ष रुपमा सहयोग, समन्वय तथा सहकार्य गर्नुहुने सम्पूर्णलाई कृतज्ञता व्यक्त गर्नु भएको थियो ।
आज मिति २०८२/१०/२७ गते, प्रतिष्ठानको ७० औं वार्षिकोत्सवको अवसरमा आयोजित “समय र प्रविधिको विकाससँगै प्रहरी सेवामा उत्पन्न चुनौतीहरु: प्रशिक्षण प्रणालीमा विद्यमान अन्तरालको विश्लेषण र समयानुकूल सम्बोधन” विषयमा एक दिवसीय गोष्टी सम्पन्न भयो । उक्त गोष्टीमा पूर्व गृहसचिव डा. गोविन्द प्रसाद कुसुम,अ.प्रा. प्र.अ.म.नि. सुरेन्द्र बहादुर शाह, अ.प्रा. प्र.अ.म.नि. देवेन्द्र सुवेदी, वरिष्ठ पत्रकार राजेन्द्र दाहाल, अ.प्रा. प्र.ना.म.नि डा. राजिब सुब्बा, सुरक्षा बिज्ञ चिरन जंग थापा, सहायक प्रा.डा. पिताम्बर भण्डारीज्यूहरुले सो सम्बन्धमा प्रस्तुतीकरण गर्नु भएको थियो । उक्त कार्यक्रममा प्रतिष्ठान तथा नेपाल प्रहरी स्टाफ कलेजका निर्देशक प्रहरी नायव महानिरीक्षक दिनेश कुमार आचार्यज्यूले कृतज्ञताको चिनोका साथै धन्यवाद ज्ञापन गर्नुभएको थियो । कार्यक्रममा नेपाल प्रहरी शिक्षालय, भरतपुरका समादेशक प्रहरी वरीष्ठ उपरीक्षक तारा देबी थापाज्यू , नेपाल प्रहरी युक्ति तालिम महाविद्यालय, जर्गाका प्राचार्य प्रहरी वरीष्ठ उपरीक्षक अनुपम शमशेर ज.ब.राज्यू, प्रतिष्ठान तथा नेपाल प्रहरी स्टाफ कलेजका सहनिर्देशक प्रहरी वरीष्ठ उपरीक्षक वेद विष्टज्यू, नेपाल प्रहरी अपराध अनुसन्धान विद्यालयका प्रधानाचार्य प्रहरी वरीष्ठ उपरीक्षक रञ्जु सिग्देलज्यू, प्रतिष्ठानका उपनिर्देशकज्यूहरु, प्रहरी नायव उपरीक्षकज्यूहरु, प्रहरी निरीक्षकज्यूहरुको सहभागिता रहेको थियो ।
आज मिति २०८२ माघ २५ गते राष्ट्रिय प्रहरी प्रशिक्षण प्रतिष्ठान, महाराजगञ्जको ७० औं बार्षिकोत्सको उपलक्ष्यमा आयोजित रक्तदान कार्यक्रम प्रतिष्ठानका निर्देशक प्रहरी नायव महानिरीक्षक श्री दिनेश कुमार आचार्यज्यूको प्रमुख आतिथ्यतामा सम्पन्न भयो । उक्त कार्यक्रममा प्रतिष्ठानका सह निर्देशक, नेपाल प्रहरी अपराध अनुसन्धान विद्यालयका प्रधानाचार्य, उप निर्देशक, सिनियर प्रहरी अधिकृत, जुनियर प्रहरी अधिकृत तथा प्रतिष्ठानमा कार्यरत प्रहरी हवल्दार तथा जवानका साथेै विभिन्न उन्नत तथा आधारभूत तालिमका प्रशिक्षार्थीहरुका साथै सर्वसाधारणको समेत उल्लेखनीय सहभागिता रहेको थियो ।
