“शुभकामना तथा बिदाई कार्यक्रम सम्पन्न”

नेपाल क्रिकेट संघको आयोजनामा मिति २०८१ पौष २१ गतेदेखि मिति २०८१ माघ ०३ गतेसम्म विरगंजमा सञ्चालन हुने “Jay Trophy Men’s Elite Cup” मा सहभागी हुने नेपाल प्रहरी क्रिकेट टिमका खेलाडी तथा अफिसियलहरुलाई आज मिति २०८१।०९।१८ गते राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य-सचिव प्रहरी अतिरिक्त महानिरीक्षक सुदिप गिरीज्यूले शुभकामना दिई बिदाई गर्नुभएको थियो ।

बधाई ज्ञापन तथा पुरस्कार वितरण कार्यक्रम सम्पन्न

अखिल नेपाल फुटबल संघको आयोजनामा मिति २०८१।०३।३० गतेदेखि मिति २०८१।०९।१६ गतेसम्म एन्फा कम्पलेक्समा सञ्चालन भएको “एन्फा यूथ (यू-१८) लिग फुटबल प्रतियोगिता २०८१” मा नेपाल पुलिस फुटबल क्लब (यू-१८) टिम सहभागी भई कुल २२ खेलमा १५ जित ३ बराबरी तथा ४ हार सहित ४८ अंक प्राप्त गरी प्रथम स्थान हासिल गर्न सफल टिमका सम्पूर्ण खेलाडी तथा अफिसियलहरु लगाएत प्रतियोगिताको सर्वाधिक गोलकर्ता हुन सफल टिम क्याप्टेन सुवास बमलाई आज मिति २०८१।०९।१८ गते राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य-सचिव प्रहरी अतिरिक्त महानिरीक्षक सुदिप गिरीज्यूले एक कार्यक्रमका बीच बधाई ज्ञापन गरी नगद पुरस्कार वितरण गर्नुभएको थियो ।

“उद्घाटन कार्यक्रम सम्पन्न”

मिति २०८१।०९।१८ गतेदेखि सञ्चालन हुन गइरहेको यस फिजियोथेरापी एण्ड रिहाविलिटेसन सेन्टर कक्षको यस राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक सुदिप गिरीज्यूको प्रमुख आतिथ्यतामा रिवन काटी उ‌द्घाटन कार्यक्रम सम्पन्न गर्नुभएको थियो ।प्रशिक्षार्थीहरुलाई प्रतिष्ठानभित्र नै फिजियोथेरापीको सेवा प्रदान गरी तालिमको अवस्थामा समय र आर्थिक भार कम गराउन तथा नेपाल प्रहरी खेलकुद समितिमा कार्यरत राष्ट्रिय तथा अन्तर्राष्ट्रिय खेलाडीहरुलाई चोट पश्चात् प्रतिष्ठान भित्रनै पुनर्स्थापनाको व्यवस्था रहेको । उक्त कक्षमा अल्ट्रा साण्ड मेसिन, मसल स्टुमुलेटर (M.S.), IFT मेसिन, टेन्स मेसिन, योगा म्याट, थेरापी गन, कपिङ निडलिङ, टिपिङ, कम्प्रेसन बुट, स्ट्चिङ ब्याण्ड ICE थेरापी ईत्यादीको व्यवस्था रहेको छ ।

Masters in Police Sciences (MPS) कार्यक्रम र Professional Leadership Course (PLC) सम्बन्धी छलफल कार्यक्रम सम्पन

नेपाल प्रहरी कार्ययोजना-२०८१ मा यसै शैक्षिक वर्षमा नेपाल प्रहरी स्टाफ कलेजको अवधारणा बमोजिम Masters in Police Sciences (MPS) कार्यक्रम र Professional Leadership Course (PLC) समावेश भएको पुलिस लिडरसिप एण्ड स्टाफ कोर्ष (PLSC) सञ्चालनार्थ गठन भएको कार्यक्रम व्यवस्थापन समितिको बैठक प्रहरी महानिरीक्षकको अध्यक्षतामा बसी पुलिस लिडरसिप एण्ड स्टाफ कोर्ष कार्यप्रणाली, २०८१ र पुलिस लिडरसिप एण्ड स्टाफ कोर्षको प्रवेश परीक्षा सञ्चालन कार्यादेश, २०८१ लागू गर्ने लगायतका विभिन्न विषयमा छलफल तथा निर्णय भयो । सो बैठकमा समितिका अध्यक्ष प्रहरी महानिरीक्षक बसन्त बहादुर कुँवर, त्रिभुवन विश्वविद्यालय, व्यवस्थापन संकायका तत्कालिन डिन प्रा.डा. डिल्लीराज शर्मा, राष्ट्रिय प्रहरी प्रशिक्षण प्रतिष्ठान, महाराजगञ्जका कार्यकारी निर्देशक प्रहरी अतिरिक्त महानिरीक्षक सुदिप गिरी, गृह मन्त्रालयका सहसचिव आनन्द काफ्ले, अवकाश प्राप्त प्रहरी अतिरिक्त महानिरीक्षक देवेन्द्र सुवेदी लगायतका समितिका सदस्यहरूको उपस्थिति रहेको थियो ।

"४२ औं आई.जि.पि. रनिङ शिल्ड फुटबल प्रतियोगिता-२०८१" सम्पन्न

नेपाल प्रहरी खेलकुद समितिको आयोजनामा मिति २०८१।०९।०७ गतेदेखि ऐ.१६ गतेसम्म यस राष्ट्रिय प्रहरी प्रशिक्षण प्रतिष्ठान महाराजगञ्जमा सञ्चालन भएको "४२ औं आई.जि.पि. रनिङ शिल्ड फुटबल प्रतियोगिता-२०८१" को समापन कार्यक्रम मिति २०८१।०९।१६ गते ११:०० बजे प्रमुख अतिथि श्रीमान् प्रहरी महानिरीक्षक बसन्त बहादुर कुँवरज्यूको प्रमुख आतिथ्यतामा सम्पन्न भयो । ने.प्र.प्र.का. र उपत्यका स्थित प्रहरी कार्यालयहरुका प्र.अ.म.नि.ज्यूहरु, प्र.ना.म.नि.ज्यूहरु, श्री सैनिक  शारीरिक तालिम तथा खेलकुद केन्द्र जंगी अड्डाका प्रमुख महा सेनानीज्यू, प्रहरी बरिष्ठ उपरीक्षकज्यूहरू, सशस्त्र प्रहरी बल खेलकुद तथा शारीरिक सुगठन शिक्षालयका प्रमुख सशस्त्र प्रहरी बरिष्ठ उपरीक्षकज्यू,  राष्ट्रिय खेलकुद परिषदका अखिल नेपाल फुटबल संघका महासचिवज्यू, जुमा स्पोर्टसका म्यानेजिङ डाईरेक्टर, केल्मी नेपाल प्रा.लि. का डाईरेक्टर, BYD Company का National Sales Head, कान्तिपुर भान्साघरका प्रोपाइटरज्यू लगायत सिनियर प्रहरी अधिकृतज्यू, जुनियर प्रहरी अधिकृत, खेलाडी तथा अन्य प्रहरी कर्मचारीहरु समेतको उपस्थिति रहेको उक्त कार्यक्रममा प्रहरी नायब उपरीक्षक रामेश्‍वर पौडेलज्यूले प्रतियोगिता सम्बन्धी प्रतिवेदन प्रस्तुत गर्नुभयो । प्रतियोगितामा सहभागी टिम, प्रायोजक एवं निर्णायकज्यूहरुलाई मायाको चिनो तथा प्रतियोगिताको फाईनल खेलका विजेता टिमलाई मेडल, प्रमाण पत्र, चेक तथा रनिङ्ग शिल्ड प्रदानको कार्यक्रम पश्चात निर्देशन सम्बोधन गर्नु हुँदै प्रमुख अतिथि प्रहरी महानिरीक्षक श्रीमान् प्रहरी महानिरीक्षक बसन्त बहादुर कुँवरज्यूले नेपाल प्रहरीका खेलाडीहरुले संगठन र राष्ट्रको गरिमा उच्च बनाएको सन्दर्भलाई समेत स्मरण गर्नु हुँदै नेपाल प्रहरीले आयोजना गर्ने यी र यस्ता प्रतियोगिताहरू खेलाडी उत्पादनको लागि सार्थक सिद्ध भएको विश्‍वास व्यक्त गर्नुभयो । सोही अवसरमा राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवं नेपाल प्रहरी खेलकुद समितिका सदस्य सचिव प्र.अ.म.नि. सुदिप गिरीज्यूले फाईनल खेलको प्रतियोगितामा द्वितीय हुन सफल टिमलाई मेडल, प्रमाण पत्र, चेक, तथा कप प्रदान गर्नु भयो । उक्त प्रतियोगितामा अखिल नेपाल फुटबल संघका महासचिव श्री किरण राईज्यूले फाईनल खेलको म्यान अफ दि म्याचको पुरस्कार प्रदान गर्नु भएको थियो भने नेपाल प्रहरी खेलकुद समितिका उपाध्यक्ष प्रहरी अतिरिक्त महानिरीक्षकज्यूहरुले प्रतियोगिताको विधागत उत्कृष्ट खेलाडीहरुलाई प्रमाण प्रत्र तथा चेक वितरण गर्नु भएको थियो । कार्यक्रमको अन्त्यमा राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवं नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक सुदिप गिरीज्यूले प्रमुख अतिथिज्यू लगायत सम्पूर्ण आमन्त्रित अतिथिज्यूहरुमा धन्यवाद ज्ञापन गर्नु हुँदै नेपाल प्रहरीका जुनियर टिमको उत्कृष्ट खेल प्रदर्शनको समेत गर्नुका साथै आन्तरिक खेलकुद प्रतियोगिताहरुको महत्वलाई दृष्टिगत गरी यस वर्षबाट आन्तरिक क्रिकेट प्रतियोगिता समेत आयोजना गर्ने लक्ष्य राखिएको कुरा व्यक्त गर्नुभयो । प्रमुख अतिथिज्यूद्वारा राष्ट्रिय फुटबल रेफ्री ज्ञान बहादुर तामाङलाई बल हस्तान्तरण गरी सञ्चालन भएको फाईनल खेलमा गण्डकी प्रदेश प्रहरी कार्यालय, पोखराको टिमले राष्ट्रिय प्रहरी प्रशिक्षण प्रतिष्ठान, महाराकगञ्जको टिमलाई २-१ गोलको अन्तरले पराजित गरी प्रतियोगिताको ४२ औं सस्करणको विजेता बन्न सफल भई रु.३,००,०००/-(तीन लाख) नगद पुरस्कार प्राप्त गर्न सफल भएको थियो भने द्वितीय हुने राष्ट्रिय प्रहरी प्रशिक्षण प्रतिष्ठान टिमलाई रु.१,५०,०००/- एक लाख पच्चास हजार) नगद पुरस्कार प्राप्त गरेको थियो । विधागत पुरस्कारहरू:१.      फेयर प्ले टिम – को.प्र.प्र.का.२.      सर्वोत्कृष्ट खेलाडी – प्र.ना.नि. विवेक गुरूङ (ग.प्र.प्र.का.)३.      सर्वाधिक गोलकर्ता – प्र.ना.नि. केशर बराम (ग.प्र.प्र.का.)४.      उत्कृष्ट गोलकिपर – प्र.ज. जीवन सिंह ठकुरी (ग.प्र.प्र.का.)५.      उत्कृष्ट डिफेन्डर – प्र.ज. धन आले मगर (रा.प्र.प्र.प्र.)६.      उत्कृष्ट मिडफिल्डर – प्र.ज. मनोज बस्नेत (रा.प्र.प्र.प्र.)७.      उत्कृष्ट फर्वाड – प्र.ना.नि. केशर बराम (ग.प्र.प्र.का.)८.      उत्कृष्ट प्रशिक्षक – प्र.ना.नि. सन्तोष सुबेदी (ग.प्र.प्र.का.) ९.      फाईनल खेलको म्यान अफ दि म्याच – प्र.ज. निर्मल गुरूङ (ग.प्र.प्र.का.)

हार्दिक बधाई !!!