"उत्कृष्टताको लागी केन्द्र"
२०८१-१२-१६
राष्ट्रिय प्रहरी प्रशिक्षण प्रतिष्ठानमा मिति २०८१/०६/०२ गतेदेखि सञ्चालन भएको १५६ कार्यदिन अवधिको "कराते आधारभूत तालिम ६१ औं समूह” को दीक्षान्त कार्यक्रम आज मिति २०८२/०१/१२ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा सम्पन्न भयो ।उक्त कार्यक्रममा प्रमुख अतिथिज्यूले नेपाल सितेरियो कराते संघबाट लिइएको ग्रेडिङ परीक्षामा उत्तीर्ण हुनु भएका कराते प्रशिक्षकहरूलाई विभिन्न वरियताको डान प्रमाणपत्र तथा बेल्ट प्रदान गर्नुका साथै आज दीक्षित हुनुभएका प्रशिक्षार्थीहरूलाई प्रमाणपत्र, बेल्ट एवम् उत्कृष्ट हुने प्रशिक्षार्थीहरूलाई "Memento" समेत प्रदान गर्नुभयो ।उक्त कार्यक्रममा सह-निर्देशक, उप-निर्देशकलगायत अन्य सिनियर प्रहरी अधिकृतहरू, जुनियर प्रहरी अधिकृतहरू, प्रशिक्षकवर्ग तथा प्रशिक्षार्थीहरूको समेत उपस्थिति रहेको थियो ।
मिति २०८२।०१।०४ गतेदेखि ऐ. ०६ गतेसम्म तेक्वान्दो एकेडेमी हल सातदोबाटो, ललितपुरमा सञ्चालन भएको “KUKKIN CUP TAEKWANDO CHAMPIONSHIP” मा नेपाल प्रहरी तेक्वान्दो टिम (NPC) ले उक्त प्रतियोगितामा Team Championship भई स्वर्ण ११, रजत ७ र कास्य ८ गरी कुल २६ पदक हासिल गर्न सफल नेपाल प्रहरीका टिम तथा प्रशिक्षकहरु संग आज मिति २०८२/०१/०८ गते यस प्रतिष्ठानका कार्यकारी निर्देशक तथा नेपाल प्रहरी खेलकुद समितिका सदस्य-सचिव प्रहरी अतिरिक्त महनिरीक्षक श्री सुदिप गिरीज्यूको प्रमुख आतिथ्यतामा हार्दिक बधाई एवं आगामी दिनहरूमा थप सफलताको शुभकामना प्रदान गर्नु भयो।
मिति २०८१/०४/२१ गते देखि संचालित ३६० कार्य अवधिको आवासीय "प्रहरी निरीक्षक आधारभूत तालिम १-१८३ औं समूह" (PGDPS 14th Batch) मा सहभागी नव-नियुक्त ९४ जना प्रशिक्षार्थी प्रहरी निरीक्षकहरुलाई पाठ्यक्रम बमोजिम मिति २०८१/१२/०७ गते देखि मिति २०८१/१२/२१ गते सम्मको देश दर्शन कार्यक्रम पश्चात आज मिति २०८२/०१/०५ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्रीमान् सुदिप गिरीज्यूको प्रमुख आतिथ्यतामा देश दर्शन विशेष साँस्कृतिक कार्यक्रम सम्पन्न भयो ।
राष्ट्रिय प्रहरी प्रशिक्षण प्रतिष्ठानमा सञ्चालित “Research Framework Training (सि.प्र.अ.) दोस्रो समूह” को मिति २०८१/१२/३१ गते यस प्रतिष्ठानका सह-निर्देशक प्रहरी वरिष्ठ उपरीक्षक बेद बिष्टज्यूको प्रमुख आतिथ्यतामा समापन कार्यक्रम सम्पन्न भयो । प्रतिष्ठानका उप-निर्देशक र सिनियर प्रहरी अधिकृतहरुको उपस्थिती रहेको उक्त कार्यक्रममा तालिम संयोजक प्रहरी उपरीक्षक फणिन्द्र प्रसाइले तालिम सम्बन्धि संक्षिप्त प्रतिवेदन प्रस्तुत गर्नुका साथै दीक्षित भई जान लागेका प्रशिक्षार्थी प्रहरी अधिकृतहरुलाई प्रमुख अतिथिज्यूबाट प्रमाणपत्र वितरण तथा निर्देशन सम्बोधन समेत गर्नु भएको थियो ।
नेपाल भलिबल संघको आयोजनामा २०८० को प्रदर्शनको आधारमा पुरुष तथा महिला भलिबल तर्फका पाँचौ एनभिए अवार्ड (NVA Award) अन्तर्गत नेपाल प्रहरीका भलिबल खेलाडी रविन चन्द २०८१ को सर्वोकृष्ट खेलाडी र पहल गहतराज उदीयमान खेलाडी साथै नेपाल प्रहरीका महिला भलिबल टिम २०८० को उत्कृष्ट टिम साथसाथै उक्त टिमका प्रशिक्षक रुपेश कुमार विष्ट उत्कृष्ट प्रशिक्षक घोषित हुन सफल भएकोमा सम्पूर्ण खेलाडी एवम् प्रशिक्षकलाई हार्दिक बधाई ।
राष्ट्रिय प्रहरी प्रशिक्षण प्रतिष्ठानमा सञ्चालित “शहरी ट्राफिक व्यवस्थापन तालिम (प्र.ना.उ./प्र.नि.) सातौं समूह” को मिति २०८१/१२/२१ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा अन्तरक्रिया तथा समापन कार्यक्रम सम्पन्न भयो । सोही कार्यक्रममा नेपाल प्रहरी अपराध अनुसन्धान विद्यालयका प्रधानाचार्य, प्रतिष्ठानका सह-निर्देशक र अन्य सिनियर प्रहरी अधिकृतहरूको उपस्थिति रहेको उक्त कार्यक्रममा तालिम संयोजक प्रहरी नायव उपरीक्षक बीरेन्द्र थापाज्यूले तालिम सम्बन्धि संक्षिप्त प्रतिवेदन प्रस्तुत गर्नुका साथै दीक्षित भई जान लागेका प्रशिक्षार्थी प्रहरी अधिकृतहरुलाई प्रमुख अतिथिज्यूबाट प्रमाणपत्र वितरण तथा निर्देशन सम्बोधन समेत गर्नु भएको थियो ।
