हार्दिक बधाई !!!

आ.ब. २०८१/०८२ को वार्षिक तालिम क्यालेण्डरको समीक्षा तथा आ.व. २०८२/०८३ को वार्षिक तालिम क्यालेण्डर तर्जुमा गोष्टी समुद्घाटन कार्यक्रम सम्पन्न

नेपाल प्रहरीका प्रशिक्षण प्रदायक निकायहरुको आ.व. २०८१/०८२ को वार्षिक तालिम क्यालेण्डरको समीक्षा तथा आ.व. २०८२/०८३ को तालिम क्यालेण्डर तर्जुमा सम्बन्धी ३ दिने गोष्टी आज मिति २०८१ चैत्र ११ गते यस राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा एक समारोहको बीच पानसमा दिप प्रज्वलन गरी कार्यक्रमको शुभारम्भ भयो । 

हार्दिक बधाई !!

आन्तरिक तथा बाह्य प्रशिक्षक अभिमुखीकरण एवं भ्रमण कार्यक्रम सम्पन्न

राष्ट्रिय प्रहरी प्रशिक्षण प्रतिष्ठानको आयोजनामा मिति २०८१ फागुन २३ गतेदेखि ऐ.२५ गतेसम्म रिभर फन बिच रिसोर्ट (River Fun Beach, Resort) सुकुटे, सिन्धुपाल्चोकमा सञ्चालन भएको आन्तरिक तथा बाह्य प्रशिक्षक अभिमुखीकरण एवं भ्रमण कार्यक्रम आज मिति २०८१ फागुन २५ गते नेपाल प्रहरी संगठन प्रमुख श्रीमान् प्रहरी महानिरीक्षक बसन्त बहादुर कुँवरज्यूको प्रमुख आतिथ्यतामा सम्पन्न भएको छ । उक्त कार्यक्रममा यस प्रतिष्ठानका कार्यकारी निर्देशक, नेपाल प्रहरी प्रधान कार्यालय मानवश्रोत विकास विभाग प्रमुख, प्रतिष्ठानका निर्देशक, नेपाल प्रहरीका मुख्य प्रशिक्षण प्रदायक कार्यालयहरुका प्रधानाचार्य/प्राचार्य/समादेशक, नेपाल प्रहरी प्रधान कार्यालय, वृत्ति विकास महाशाखा, तालिम शाखाका प्रतिनिधि लगायत विभिन्न प्रशिक्षण प्रदायक संस्थाका प्रशिक्षकहरू समेतको उपस्थिति रहेको थियो ।सो समापन कार्यक्रममा यस प्रतिष्ठानका निर्देशक प्रहरी नायव महानिरीक्षक डा. मनोज कुमार के.सी.ज्यूले स्वागत मन्तव्य राख्नुका साथै प्रतिष्ठानका उप-निर्देशक प्रहरी उपरीक्षक मित्र बन्धु शर्माबाट अन्तिम निचोड सहितको प्रस्तुतीकरण गर्नु भएको थियो । कार्यक्रमको अन्त्यमा यस प्रतिष्ठानका कार्यकारी निर्देशक प्रहरी अतिरिक्त महानिरीक्षक सुदिप गिरीज्यूबाट प्रमुख अतिथि लगायत उपस्थित सम्पुर्णमा धन्यबाद सहितको मन्तव्य व्यक्त गर्नु भएको थियो ।

“आर्थिक प्रशासन ग्रेड-२ तालिम” १८ औं समूहको समापन

मिति २०८१/१०/१५ गते बाट राष्ट्रिय प्रहरी प्रशिक्षण प्रतिष्ठानमा सञ्चालित “आर्थिक प्रशासन ग्रेड-२ तालिम” १८ औं समूहको आज मिति २०८१ फागुन २५ गते यस प्रतिष्ठानका सह- निर्देशक प्रहरी बरिष्ठ उपरिक्षक बेद बिष्टज्यूको प्रमुख आतिथ्यतामा एक कार्यक्रमका बिच समापन भयो । 

हार्दिक बधाई !