माननीय गृहमन्त्री रमेश लेखकज्यूको प्रमुख आतिथ्यतामा नेपाल पुलिस क्लब “The Blue Pavilion” भृकुटीमण्डपमा आज मिति २०८२/०१/२१ गते आयोजित समारोह बीच Masters of Police Sciences (MPS) कार्यक्रम समावेश भएको Police Leadership and Staff Course (PLSC Batch 01) को समुद्‍घाटन कार्यक्रममा गृहमन्त्रीज्यूले पानसमा दीप प्रज्वलन गरी उक्त Police Leadership and Staff Course को समुद्‍घाटन गर्नुभएको हो ।

उक्त कार्यक्रममा गृहसचिव गोकर्णमणि दुवाडीज्यू, प्रहरी महानिरीक्षक दिपक थापाज्यू, प्रतिनिधि सभासदस्य एवम् अवकाश प्राप्त प्रहरी महानिरीक्षक ध्रुव बहादुर प्रधानज्यू, सशस्त्र प्रहरी महानिरीक्षक राजु अर्यालज्यू, अवकाश प्राप्त प्रहरी महानिरीक्षकज्यूहरू, नेपाली सेनाका उपरथीज्यू, प्रहरी अतिरिक्त महानिरीक्षकज्यूहरू, अवकाश प्राप्त प्रहरी अतिरिक्त महानिरीक्षकहरू, MPS का सल्लाहकार प्रा.डा राजिव बिक्रम राणा, सहसचिवहरू, नेपाल प्रहरी एवम् सशस्त्र प्रहरी बलका वरिष्ठ प्रहरी अधिकृतहरू तथा संचारकर्मीहरू लगायतको उपस्थिति रहेको थियो ।