“योग तथा ध्यान शिविर २०८२ को अभ्यास सम्पन्न"

२०८२-०९-०१

A
A^-
A⁺

आज मिति २०८२/०९/०३ गते विश्‍व ध्यान दिवसको अवसरमा राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा पूर्व संविधान सभा एवम् प्रतिनिधी सभा सदस्य तथा “The Art of Living” योग संस्थाका सल्लाहकार माननीय बिमल केडिया The Art of Living faculty का योग तथा ध्यान प्रशिक्षकद्वय सन्तोष केडिया र सृजना श्रेष्ठको उपस्थितिमा आयोजना गरिएको “योग तथा ध्यान” शिविर २०८२ को अभ्यास सम्पन्न । उक्त कार्यक्रममा यस प्रतिष्ठानका निर्देशकज्यू, सह-निर्देशक, उप-निर्देशक सहित २०० जना प्रशिक्षक तथा प्रशिक्षार्थीहरुको सहभागिता रहेको थियो ।

सम्बन्धित समाचार

"स्वागत तथा सम्मान कार्यक्रम सम्पन्न"

२०८२-०८-२८

मित्रराष्ट्र युएईको दुबई शहरमा मिति २०८२।०८।१४ गतेदेखि २०८२।०८।२८ गतेसम्म सञ्चालन भएको “IBA Men’s World Boxing Championship” मा नेपाली राष्ट्रिय टिमको प्रतिनिधित्व गर्दै ५४ के.जी. तौल समूहमा ऐतिहासिक कास्य पदक हासिल गर्न सफल नेपाल प्रहरीका बक्सिङ खेलाडी चन्द्र बहादुर थापालाई आज मिति २०८२।०८।२८ गते एक कार्यक्रमका बीच स्वागत तथा सम्मान कार्यक्रम गरियो ।उक्त कार्यक्रममा राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक श्री शिद्धि बिक्रम शाहज्यूले खेलाडी थापालाई सम्मान गर्दै नेपाल प्रहरी तथा सम्पूर्ण राष्ट्रको गौरव बढाउनुका साथै आगामी दिनहरूमा थप सफलता हासिल गर्न समेत शुभकामना प्रदान गर्नु भयो । सम्मान कार्यक्रममा राष्ट्रिय प्रहरी प्रशिक्षण प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, उप-निर्देशकज्यू, सिनियर प्रहरी अधिकृतज्यूहरू, जु.प्र.अ.ज्यूहरू लगायत नेपाल प्रहरीका विभिन्न खेल विधाका खेलाडीहरूको उल्लेखनीय सहभागिता रहेको थियो ।

"अपराध अनुसन्धान (सि.प्र.अ.) तालिम १०० औं समूहको समापन कार्यक्रम सम्पन्न"

२०८२-०८-२६

मिति २०८२/०७/१६ गते देखी नेपाल प्रहरी अपराध अनुसन्धान विद्यालय महाराजगञ्जमा सञ्चालित अपराध अनुसन्धान (सि.प्र.अ.) तालिम १०० औं समूहको आज मिति २०८२/०८/२६ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा समापन कार्यक्रम सम्पन्न भयो । उक्त कार्यक्रममा प्रमूख अतिथिज्यूले दीक्षित भई जाने प्रशिक्षार्थीहरूलाई प्रशिक्षणको क्रममा प्राप्त गरेको ज्ञान, सीप र क्षमतालाई कार्यक्षेत्रमा उच्च मनोबलका साथ अक्षरक्ष पालना गरी नेपाल प्रहरी संगठनको अपराध अनुसन्धान क्षेत्रलाई सदैव प्रयत्नशील राखिरहनुपर्ने कुरामा जोड दिदै प्रमुख अतिथिज्यूले शुभकामना सहितको निर्देशन सम्बोधन र प्रमाणपत्र वितरण समेत गर्नुभएको थियो भने तालिम संयोजक प्रहरी नायव उपरीक्षक भाष्कर खतिवडाज्यूले तालिम सम्बन्धि संक्षिप्त प्रतिवेदन प्रस्तुत गर्नु भएको थियो ।उक्त कार्यक्रममा यस प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका सह-निर्देशकज्यू लगायत अन्य सिनियर प्रहरी अधिकृतज्यू, जुनियर प्रहरी अधिकृत र प्रशिक्षक तथा प्रशिक्षार्थीहरूको समेत उपस्थिति रहेको थियो ।

"साईबर अपराध अनुसन्धान (सि.प्र.अ./जु.प्र.अ.) तालिम सातौं समूहको समापन कार्यक्रम सम्पन्न"

२०८२-०८-२६

नेपाल प्रहरी अपराध अनुसन्धान विद्यालय, महाराजगञ्जमा सञ्चालन भएको “साईबर अपराध अनुसन्धान (सि.प्र.अ./जु.प्र.अ.) तालिम" सातौं समूहको मिति २०८२।०८।२६ गते प्रतिष्ठानका कार्यकारी निर्देशक श्रीमान् प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा समापन कार्यक्रम सम्पन्न भयो । उक्त कार्यक्रममा प्रमुख अतिथिज्यूले दीक्षित भई जाने सम्पूर्ण प्रशिक्षार्थीहरुलाई प्रमाणपत्र वितरण गर्नुका साथै अनुसन्धान अधिकारीले सूचना प्रविधिमा विज्ञता हासिल गरी वर्तमान अवस्थामा चुनौतीको रुपमा रहेको साईबर अपराधको सफल अनुसन्धान गर्न तालिममा सिकेका ज्ञान र सिपलाई कार्यक्षेत्रमा अक्षरश पालना गर्न निर्देशन समेत दिनुभयो भने तालिम संयोजक प्रहरी नायव उपरीक्षक लक्षमी खनालज्यूले तालिम सम्बन्धी संक्षिप्‍त प्रतिवेदन प्रस्तुत गर्नु भएको थियो ।उक्त कार्यक्रममा यस प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका सह-निर्देशकज्यू लगायत अन्य सिनियर प्रहरी अधिकृतज्यू, जुनियर प्रहरी अधिकृत र प्रशिक्षक तथा प्रशिक्षार्थीहरूको समेत उपस्थिति रहेको थियो ।

भीड नियन्त्रण तथा व्यवस्थापन नमुना प्रदर्शनी कार्यक्रम सम्पन्न

२०८२-०८-२५

मिति २०८२/०८/२५ गते यस प्रतिष्ठानका कार्यकारी निर्देशक श्रीमान् प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यमा मिति २०८१/०४/२१ गते देखि सञ्चालित प्रहरी निरीक्षक आधारभूत तालिम १-१८४ औँ समूह अन्तर्गत पाठ्यक्रममा समावेश भए बमोजिम भीड नियन्त्रण तथा व्यवस्थापन नमुना प्रदर्शनी कार्यक्रम सम्पन्न भयो । उक्त कार्यक्रममा प्रमुख आतिथिज्यूले प्रशिक्षार्थीहरूलाई नेपाल प्रहरीलाई आन्तरिक सुरक्षाको जिम्मेवारी सैवधानिक तथा कानुनी दायित्वको रुपमा रहेको र दङ्गा तथा भीड व्यवस्थापन सोही दायित्वको एक महत्वपूर्ण जिम्मेवारी रहेको र सो सम्बन्धमा नेपालको संविधानले मौलिक हकको रुपमा प्रदान गरेको नागरिकको स्वतन्त्रतालाई समेत ध्यानमा राखी भीड व्यवस्थापन गर्नु पर्ने, विशेषत ग्राउण्ड कमाण्डरको भुमिकामा रहने प्रहरी निरीक्षकको एक निर्णयले सम्पूर्ण घटना क्रमलाई सकारात्मक वा नकारात्मक दिशा तर्फ मोड्न सक्ने हुँदा प्रशिक्षार्थीहरूलाई प्रदान गरिएको सैदान्तिक शिक्षा तथा व्यवहारिक अभ्यासद्वारा तथ्यमा आधारित विवेकपूर्ण निर्णय, नागरिकमैत्री कार्यशैली, आवश्यकताको आधारमा संयमित र समानुपातिक बल प्रयोग र वैधानिक प्रक्रिया प्रति अविचलित प्रतिबद्धता सहित भीडलाई नियन्त्रण भन्दा व्यवस्थापन गर्नु हुनेछ भन्ने अपेक्षा समेत व्यक्त गर्नु भएको थियो ।सोही कार्यक्रममा प्रतिष्ठानका निर्देशकज्यू, अपराध अनुसन्धान विद्यालयका प्रधानाचार्यज्यू, सह-निर्देशकज्यू, सिनियर प्रहरी अधिकृत, अन्य प्रहरी कर्मचारी तथा प्रशिक्षार्थीहरूको समेत उपस्थिति रहेको थियो ।

कार्यकारी निर्देशकज्यूबाट प्रशिक्षक तथा विजेता खेलाडीहरूलाई बधाई तथा शुभकामना

२०८२-०८-२५

राष्ट्रिय प्रहरी प्रशिक्षण प्रतिष्ठान, महाराजगञ्जका कार्यकारी निर्देशक श्रीमान् प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा नेपाल तेक्वान्दो संघको आयोजनामा सातदोबाटो स्थित तेक्वान्दो हलमा सञ्चालन भएको “13th Korean Ambassador International Open Taekwondo Championships 2025” मा नेपाल प्रहरीका तेक्वान्दो खेलाडीहरूले ६ स्वर्ण, ५ रजत र ४ कास्य गरी जम्मा १५ पदक प्राप्‍त गरी टिम द्वितीय हुन सफल, अर्जुनधारा नगर खेलकुद समिति, झापाको आयोजनामा झापा शनिश्‍चरे स्थित लक्ष्मी माध्यमिक विद्यालयको खेल मैदानमा सञ्चालन भएको “अर्जुनधारा खुल्ला महिला भलिबल प्रतियोगिता २०८२” मा नेपाल प्रहरीको महिला भलिबल टिम प्रथम स्थान हासिल गर्न सफल, त्रिभुवननगर जेसीजको आयोजनाममा दाङमा सञ्चालन भएको “त्रिभुवननगर जेसीज म्याराथन (चौथो संस्करण)” अन्तर्गत ११ कि.मि. दौड तर्फ नेपाल प्रहरीका एथ्लेटिक्स खेलाडीहरू प्र.ज. नागेश्‍वर अहिर (पुरुष तर्फ) र प्र.ज. सुमित्रा कुमारी चौधरी (महिला तर्फ) सहभागी भई द्वितीय स्थान हासिल गर्न सफल र पोखरा अल्ट्रा ट्रेल रनिङ आयोजक समितिको आयोजनामा पोखरामा सञ्चाल भएको “पोखरा अल्ट्रा ट्रेल रनिङ – २०८२” मा नेपाल प्रहरीका एथ्लेटिक्स खेलाडी प्र.ज. लाक्पा निमा शेर्पा उक्त प्रतियोगितामा सहभागी भई द्वितीय स्थान हासिल गर्न सफल हुनु भएका खेलाडी तथा प्रशिक्षकहरूलाई हार्दिक बधाई तथा शुभकामना प्रदान गर्नु भयो ।

कराते आधारभूत तालिम सम्पन्न

२०८२-०८-१६

राष्ट्रिय प्रहरी प्रशिक्षण प्रतिष्ठानमा मिति २०८२/०१/२१ गतेदेखि सञ्चालन भएको १५६ कार्यदिन अवधिको कराते आधारभूत तालिम ६२ औं समूहको दीक्षान्त कार्यक्रम मिति २०८२/०८/१६ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी विक्रम शाहज्यूको प्रमुख आतिथ्यतामा सम्पन्न भयो ।दीक्षान्त कार्यक्रममा कराते प्रशिक्षार्थीले फाईनल (कुमिते) खेल प्रदर्शन, कराते सम्बन्धी आधारभूत कला प्रदर्शन, एकल तथा सामुहिक आत्मरक्षा कला प्रदर्शन तथा फट्टा डेमोस्ट्रेशन प्रदर्शन गर्नु भएको थियो । उक्त कार्यक्रममा प्रमुख अतिथिज्यूले दीक्षित भई जाने कराते प्रशिक्षार्थीहरूलाई पुरस्कार, प्रमाणपत्र, ब्लाक बेल्ट तथा निर्देशन सम्बोधन समेत गर्नुभएको थियो भने कार्यक्रमका तालिम संयोजक प्रहरी निरीक्षक भरत अधिकारीज्यूबाट तालिम सम्बन्धी संक्षिप्त प्रतिवेदन प्रस्तुत गर्नु भएको थियो ।