“विशिष्ट व्यक्तिको सुरक्षा (जु.प्र.अ.) तालिम” ३३ औं समूहको दीक्षान्त समारोह सम्पन्न
२०८१-०२-२८
- A
- A-
- A+
![](/media/filer_public/5a/ba/5aba3dba-0008-4a22-86c2-77b8989b0516/22.jpg)
मिति २०८१/०१/२३
गतेदेखि राष्ट्रिय प्रहरी प्रशिक्षण प्रतिष्ठानमा सञ्चालित “विशिष्ट व्यक्तिको
सुरक्षा (जु.प्र.अ.) तालिम” ३३ औं समूहको दीक्षान्त समारोह आज मिति २०८१/०२/२८ गते
यस राष्ट्रिय प्रहरी प्रशिक्षण प्रतिष्ठानका निर्देशक प्रहरी नायव महानिरीक्षक
राजन अधिकारीज्यूको प्रमूख आतिथ्यतामा सम्पन्न भयो । उक्त कार्यक्रममा दीक्षित भई
जाने जुनियर प्रहरी अधिकृतहरुलाई प्रशिक्षणको क्रममा प्राप्त गरेका ज्ञान, सीप र
क्षमतालाई कार्यक्षेत्रमा उच्च मनोबलका साथ अक्षरस पालना गरी विशिष्ट व्यक्तिको
सुरक्षामा खटिंनु पर्ने कुरामा जोड दिदै प्रमुख अतिथिज्यूले शुभकामना सहितको
निर्देशन सम्बोधन र प्रमाणपत्र वितरण समेत गर्नु भएको थियो । साथै उक्त तालिमका
तालिम संयोजक प्रहरी नायव उपरीक्षक मनोजित कुँवरले तालिम सम्बन्धी संक्षिप्त
प्रतिवेदन प्रस्तुत गर्नु भएको थियो ।