बधाई तथा शुभकामना कार्यक्रम सम्पन्‍न

२०८१-०३-२४

A
A^-
A⁺

आज ‍मिति २०८१/०३/२४ गते यस राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक सुदिप गिरीज्यूसँग नेपाल प्रहरीका बक्सिङ र उसु खेलाडीहरूसंग बधाई तथा शुभकामना कार्यक्रम सम्पन्‍न ।

नेपाल बक्सिङ महासंघको आयोजनामा मिति २०८१/०३/१७ गतेदेखि मिति २०८१/०३/२१ गते सम्म त्रिपुरेश्‍वर स्थित राष्ट्रिय खेलकुद कभर्ड हलमा सञ्चालन भएको “चौथो प्रकाश दाहाल स्मृति खुल्ला राष्ट्रिय बक्सिङ प्रतियोगिता-२०८१” मा २ स्वर्ण, २ रजक र १ कास्य गरी कुल ५ पदक प्राप्‍त गरी समग्रमा टिम तृतीय हुन सफल तथा उक्त प्रतियोगितामा प्र.स.ह. भुपेन्द्र थापा सर्वोत्कृष्ट खेलाडी घोषित हुन सफल भएको र नेपाल उसु महासंघको आयोजनामा मिति २०८१/०३/१९ गतेदेखि मिति २०८१/०३/२१ गते सम्म त्रिपुरेश्‍वर स्थित नेपाल उसु महासंघको केन्द्रीय प्रशिक्षण केन्द्रमा सञ्चालन भएको “१६ औं राष्ट्रिय उसु प्रतियोगिता-२०८१” मा ६ स्वर्ण, ५ रजक र ७ कास्य गरी कुल १८ पदक हासिल गरी नेपाल प्रहरी उसु टिम द्वितीय स्थान हुन सफल भएको ।

सम्बन्धित समाचार

हार्दिक बधाई !!!

२०८२-०१-०८

मिति २०८२।०१।०४ गतेदेखि ऐ. ०६ गतेसम्म तेक्वान्दो एकेडेमी हल सातदोबाटो, ललितपुरमा सञ्चालन भएको “KUKKIN CUP TAEKWANDO CHAMPIONSHIP” मा नेपाल प्रहरी तेक्वान्दो टिम (NPC) ले उक्त प्रतियोगितामा Team Championship भई स्वर्ण ११, रजत ७ र कास्य ८ गरी कुल २६ पदक हासिल गर्न सफल नेपाल प्रहरीका टिम तथा प्रशिक्षकहरु संग आज मिति २०८२/०१/०८ गते यस प्रतिष्ठानका कार्यकारी निर्देशक तथा नेपाल प्रहरी खेलकुद समितिका सदस्य-सचिव प्रहरी अतिरिक्त महनिरीक्षक श्री सुदिप गिरीज्यूको प्रमुख आतिथ्यतामा हार्दिक बधाई एवं आगामी दिनहरूमा थप सफलताको शुभकामना प्रदान गर्नु भयो।

देश दर्शन विशेष साँस्कृतिक कार्यक्रम सम्पन्न

२०८२-०१-०५

मिति २०८१/०४/२१ गते देखि संचालित ३६० कार्य अवधिको आवासीय "प्रहरी निरीक्षक आधारभूत तालिम १-१८३ औं समूह" (PGDPS 14th Batch) मा सहभागी नव-नियुक्त ९४ जना प्रशिक्षार्थी प्रहरी निरीक्षकहरुलाई पाठ्‍यक्रम बमोजिम मिति २०८१/१२/०७ गते देखि मिति २०८१/१२/२१ गते सम्मको देश दर्शन कार्यक्रम पश्‍चात आज मिति २०८२/०१/०५ गते यस प्रतिष्‍ठानका कार्यकारी निर्देशक प्रहरी अतिरिक्त महानिरीक्षक श्रीमान् सुदिप गिरीज्यूको प्रमुख आतिथ्यतामा देश दर्शन विशेष साँस्कृतिक कार्यक्रम सम्पन्न भयो ।

“Research & Framework Training (सि.प्र.अ.) दोस्रो समूह” को समापन कार्यक्रम सम्पन्न

२०८२-०१-०१

राष्ट्रिय प्रहरी प्रशिक्षण प्रतिष्ठानमा सञ्चालित “Research Framework Training (सि.प्र.अ.) दोस्रो समूह” को मिति २०८१/१२/३१ गते यस प्रतिष्ठानका सह-निर्देशक प्रहरी वरिष्ठ उपरीक्षक बेद बिष्टज्यूको प्रमुख आतिथ्यतामा समापन कार्यक्रम सम्पन्न भयो । प्रतिष्ठानका उप-निर्देशक र सिनियर प्रहरी अधिकृतहरुको उपस्थिती रहेको उक्त कार्यक्रममा तालिम संयोजक प्रहरी उपरीक्षक फणिन्द्र प्रसाइले तालिम सम्बन्धि संक्षिप्‍त प्रतिवेदन प्रस्तुत गर्नुका साथै दीक्षित भई जान लागेका प्रशिक्षार्थी प्रहरी अधिकृतहरुलाई प्रमुख अतिथिज्यूबाट प्रमाणपत्र वितरण तथा निर्देशन सम्बोधन समेत गर्नु भएको थियो ।

हार्दिक बधाई !!!

२०८१-१२-३०

नेपाल भलिबल संघको आयोजनामा २०८० को प्रदर्शनको आधारमा पुरुष तथा महिला भलिबल तर्फका पाँचौ एनभिए अवार्ड (NVA Award) अन्तर्गत नेपाल प्रहरीका भलिबल खेलाडी रविन चन्द २०८१ को सर्वोकृष्ट खेलाडी र पहल गहतराज उदीयमान खेलाडी साथै नेपाल प्रहरीका महिला भलिबल टिम २०८० को उत्कृष्ट टिम साथसाथै उक्त टिमका प्रशिक्षक रुपेश कुमार विष्ट उत्कृष्ट प्रशिक्षक घोषित हुन सफल भएकोमा सम्पूर्ण खेलाडी एवम् प्रशिक्षकलाई हार्दिक बधाई ।

जुडो आधारभूत तालिम" ८७ औं समूहको दीक्षान्त समारोह कार्यक्रम सम्पन्न

२०८१-१२-२१

राष्ट्रिय प्रहरी प्रशिक्षण प्रतिष्ठानमा मिति २०८१।०५।१२ गतेदेखी सञ्चालन भएको १५६ कार्यदिन अवधिको "जुडो आधारभूत तालिम" ८७ औं समूहको यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा आज मिति २०८१।१२।२१ गते दीक्षान्त कार्यक्रम सम्पन्न भयो । उक्त कार्यक्रममा प्रमुख अतिथिज्यूले दीक्षित भई जाने सम्पूर्ण प्रशिक्षार्थीहरूलाई प्रमाणपत्र, "Black Belt"(1st Dan) प्रदान गर्नुका साथै सर्वप्रथम, द्वितीय र तृतीय हुने प्रशिक्षार्थीहरूलाई "Memento" समेत वितरण गर्नुका साथै जुडो तालिमले सिकाएका कला-कौशल, व्यक्तिगत सुरक्षा, आत्मरक्षा, प्रहरी कार्य, अपराध अनुसन्धान रोकथाम लगायतका अन्य घटना हुने क्षेत्रहरूमा समेत नतिजामुखी प्रतिफल प्राप्त हुनेछ भन्ने विषयमा प्रकाश पार्नुभएको थियो । सो कार्यक्रममा तालिम संयोजक प्रहरी निरीक्षक मोतिलाल योञ्जन तामाङले तालिम सम्बन्धी संक्षिप्त प्रतिवेदन प्रस्तुत गर्नुभएको थियो ।

शहरी ट्राफिक व्यवस्थापन तालिम (प्र.ना.उ./प्र.नि.) सातौं समूहको समापन कार्यक्रम सम्पन्न

२०८१-१२-२१

राष्ट्रिय प्रहरी प्रशिक्षण प्रतिष्ठानमा सञ्चालित “शहरी ट्राफिक व्यवस्थापन तालिम (प्र.ना.उ./प्र.नि.) सातौं समूह” को मिति २०८१/१२/२१ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा अन्तरक्रिया तथा समापन कार्यक्रम सम्पन्न भयो । सोही कार्यक्रममा नेपाल प्रहरी अपराध अनुसन्धान विद्यालयका प्रधानाचार्य, प्रतिष्ठानका सह-निर्देशक र अन्य सिनियर प्रहरी अधिकृतहरूको उपस्थिति रहेको उक्त कार्यक्रममा तालिम संयोजक प्रहरी नायव उपरीक्षक बीरेन्द्र थापाज्यूले तालिम सम्बन्धि संक्षिप्‍त प्रतिवेदन प्रस्तुत गर्नुका साथै दीक्षित भई जान लागेका प्रशिक्षार्थी प्रहरी अधिकृतहरुलाई प्रमुख अतिथिज्यूबाट प्रमाणपत्र वितरण तथा निर्देशन सम्बोधन समेत गर्नु भएको थियो ।