खेल सामाग्री हस्तान्तरण कार्यक्रम सम्पन्न
२०८१-०३-३२
- A
- A-
- A+
![](/media/filer_public/ef/fa/effae332-8ebf-4def-b96a-974f7215bfcf/npa_8530.jpg)
अखिल
नेपाल फुटबल संघको आयोजनामा आज मिति २०८१।०३।३० गतेबाट सञ्चालन भईरहेको “LALIT MEMORIAL ANFA U-18 LEAGUE FOOTBALL TOURNAMENT 2024” मा नेपाल प्रहरीको तर्फबाट सहभागी खेलाडी तथा
अफिसियलहरूलाई यस राष्ट्रिय प्रहरी प्रशिक्षण प्रतिष्ठानका कार्यकारी निर्देशक
एवम् खेलकुद समितिका सदस्य सचिव प्रहरी अतिरिक्त महानिरीक्षक सुदिप गिरीज्यूले आज
एक कार्यक्रमका बिच खेल सामाग्री हस्तान्तरण गर्नुका साथै प्रतियोगितामा उच्च प्रदर्शनको लागि शुभकामना समेत व्यक्त गर्नु
भयो ।
कार्यक्रमको
अन्त्यमा शुभकामना तथा निर्देशन सम्बोधनको क्रममा प्रमुख अतिथिज्यूले ‘शहिद
स्मारक ए डिभिजन लिग २०७९’ मा नेपाल प्रहरीले प्राप्त गरेको “Fair Play Team Award”
को स्मरण गर्नु हुँदै नेपाल
प्रहरी एक अनुशासित संगठन रहेको हुँदा उच्च अनुशासनमा रही आफ्नो खेल कौशल प्रदर्शन
गर्न हुन समेत निर्देशन दिनु भयो ।
उक्त
कार्यक्रममा राष्ट्रिय प्रहरी प्रशिक्षण प्रतिष्ठानका निर्देशक एवम् नेपाल प्रहरी
खेलकुद समितिका सह-सचिवज्यू, नेपाल प्रहरी अपराध अनुसन्धान विद्यालयका
प्रधानाचार्यज्यू लगायत सिनियर प्रहरी अधिकृतहरु समेतको उपस्थिति रहेको थियो ।