आज मिति २०८१/०५/२१ गते यस राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्र.अ.म.नि. श्री सुदिप गिरीज्यूको प्रमुख आतिथ्यतामा नेपाल प्रहरी प्रधान कार्यालयको मिति २०८१/०५/१७ गतेको पत्रले यस प्रतिष्ठानबाट विभिन्न कार्यालयमा सरुवा हुनु भएका प्रहरी निरीक्षकज्यूहरु तथा उमेर हदको आधारमा अनिवार्य अवकाश हुनु भएका प्रहरी नायव निरीक्षक नरू शाहीज्यूको समेत बिदाईमा आयोजना गरिएको ”फेरी भेटौला तथा बिदाई कार्यक्रम” सम्पन्न भयो ।

उक्त कार्यक्रममा कार्यकारी निर्देशकज्यूबाट सरुवा भई जानुहुने प्रहरी निरीक्षकज्यूहरूलाई आगामी व्यवसायिक जिवनमा संगठनको मुल्य र मान्यता अनुरुप प्रतिष्ठानको समेत शिर उच्च हुने गरी कार्य गर्न निर्देशन तथा अनिवार्य अवकाश हुनु भएका प्र.ना.नि. नरु शाहीज्यूलाई सुखमय पारिवारीक तथा नागरिक जिवनको लागि शुभकामना समेत दिनु भएको थियो ।