दशौं प्रधानमन्त्री कप भलिबल लिग: नेपाल प्रहरी महिला टिम च्याम्पियन

२०८३-०१-१९

A
A^-
A⁺

नेपाल भलिबल संघको आयोजनामा मिति २०८३ साल वैशाख १० गतेदेखि १९ गतेसम्म राष्ट्रिय खेलकुद परिषद्को कभर्डहलमा सम्पन्न “दशौं प्रधानमन्त्री कप एन.भि.ए. महिला तथा पुरुष भलिबल लिग २०८३” मा नेपाल प्रहरी महिला भलिबल टिमले प्रथम स्थान हासिल गरेको छ।

प्रतियोगितामा उत्कृष्ट प्रदर्शन गर्दै नेपाल प्रहरी महिला टिम च्याम्पियन बनेको हो। प्रतियोगितामा उत्कृष्ट स्पाइकरको उपाधि लक्ष्मी चन्दले प्राप्त गरिन् भने प्रशिक्षकतर्फ रुपेश कुमार विष्ट उत्कृष्ट घोषित भए। यसैगरी प्रतियोगिताको सर्वोत्कृष्ट खेलाडी (एमभिपी) को उपाधि उषा भण्डारीले हात पारिन्।

यसैबीच, पुरुषतर्फ नेपाल प्रहरी भलिबल टिमले तृतीय स्थान हासिल गर्न सफल भएको छ।

प्रतियोगितामा उत्कृष्ट प्रदर्शन गर्ने सम्पूर्ण खेलाडी तथा अफिसियलहरूलाई बधाई दिइएको छ।

सम्बन्धित समाचार

नेपाल प्रहरी महानिरीक्षकको उपस्थितिमा PLSC Batch 02 उद्घाटन सम्पन्न

२०८३-०१-२८

Masters in Police Sciences (MPS) कार्यक्रम समावेश गरिएको Police Leadership and Staff Course (PLSCE Batch 02) को उद्घाटन कार्यकम मिति २०८३ वैशाख २८ गते सम्पन्नल भएको छ । उक्त समारोहमा नेपाल प्रहरीका प्रहरी महानिरीक्षक श्री दानबहादुर कार्की प्रमुख अतिथिका रूपमा उपस्थित हुनुहुन्थ्यो।प्रहरी महानिरीक्षक कार्कीले औपचारिक समारोहमा पानसमा दीप प्रज्वलन गरी पाठ्यक्रमको उद्घाटन गर्नुभएको थियो।समारोहमा त्रिभुवन विश्वविद्यालय व्यवस्थापन संकायका डीन प्रा. डा. महानन्द चालिसे, मानवस्रोत व्यवस्थापन विभाग प्रमुख अतिरिक्त प्रहरी महानिरीक्षक राजन अधिकारी, राष्ट्रिय प्रहरी प्रतिष्ठानका कार्यकारी निर्देशक अतिरिक्त प्रहरी महानिरीक्षक सिद्धि विक्रम शाह, MPS सल्लाहकार प्रा. डा. राजीव विक्रम राणा, आन्तरिक फ्याकल्टी संयोजक (अवकाशप्राप्त) अतिरिक्त प्रहरी महानिरीक्षक देवेन्द्र सुवेदी, कलेज निर्देशक प्रहरी नायव महानिरीक्षक दिनेश कुमार आचार्य लगायत प्रहरी अधिकृतहरूको उपस्थिति रहेको थियो।

आर्चरीमा नेपाल प्रहरीको उत्कृष्ट प्रदर्शन, ११ पदक जित्न सफल

२०८३-०१-२८

नेपाल आर्चरी संघको आयोजनामा मिति २०८३ वैशाख २६ गतेदेखि २८ गतेसम्म पोखरा स्थित आर्चरी मैदानमा सञ्चालन भएको “१३औं राष्ट्रिय आर्चरी प्रतियोगिता–२०८३” मा नेपाल प्रहरीका आर्चरी खेलाडीहरूले उत्कृष्ट प्रदर्शन गर्दै ५ स्वर्ण, ४ रजत र २ कास्यसहित कुल ११ पदक हासिल गरेका छन्।प्रतियोगितामा नेपाल प्रहरी टोलीले विभिन्न विधामा उत्कृष्ट खेल प्रदर्शन गर्दै उल्लेखनीय सफलता हासिल गरेको हो। उक्त उपलब्धिले नेपाल प्रहरीको खेलकुद क्षेत्रमा रहेको सक्रियता, अनुशासन तथा प्रतिस्पर्धात्मक क्षमतालाई थप उजागर गरेको छ। प्रतियोगितामा पदक विजेता खेलाडीहरूलाई नेपाल प्रहरी परिवारले हार्दिक बधाई तथा आगामी प्रतियोगिताका लागि शुभकामना व्यक्त गरेको छ।

दर्ज्यानी चिन्ह सुशोभन तथा खेल सामग्री हस्तान्तरण कार्यक्रम सम्पन्न

२०८३-०१-२३

मिति २०८३।०१।२३ गते राष्ट्रिय प्रहरी प्रशिक्षण प्रतिष्ठान, महाराजगञ्‍जका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूको प्रमुख आतिथ्यतामा नेपाल प्रहरी प्रधान कार्यालय, कर्मचारी प्रशासन शाखाको च.नं. ६७९९, मिति २०८३/०१/११ गतेको पत्रदेशानुसार प्रहरी नियमावली २०७१ (संसोधन सहित) को नियम ३९ बमोजिम जनपद प्रहरी समूह तर्फको प्रहरी जवान पदबाट प्रहरी सहायक हवल्दार पदमा विशेष बढुवा हुनुभएका नेपाल पुलिस क्लब क्रिकेट टिमका क्याप्टेन म. आरीफ शेखलाई दर्ज्यानी चिह्नद्वारा सुशोभन कार्यक्रम सम्पन्न भयो । उक्त कार्यक्रममा प्रमुख अतिथिज्यूले माया ग्रुप यु.के. र नेपाल प्रहरी शारीरिक सुगठन तथा खेलकुद शिक्षालय बिच २०२६ देखि २०२७ सम्म नेपाल पुलिस क्रिकेट टिमका लागि खेल सामग्री प्रायोजन गर्ने सम्झौता भए अनुरुप प्राप्त खेल सामग्रीहरू नेपाल पुलिस क्लब क्रिकेट टिमका खेलाडी तथा अफिसियलहरूलाई प्रदान गर्नुभएको थियो ।

आठौं राईनो संरक्षण गोल्डकपको उपाधि नेपाल प्रहरीलाई

२०८३-०१-२३

नेपाल प्रहरी पुरुष फुटबल टोलीले आठौं राईनो संरक्षण गोल्डकप फुटबल प्रतियोगिता २०८३ मा प्रथम स्थान हासिल गरेको छ। राईनो क्लबको आयोजनामा मिति २०८३ वैशाख १२ गतेदेखि २३ गतेसम्म सञ्चालन भएको प्रतियोगितामा उत्कृष्ट प्रदर्शन गर्दै नेपाल प्रहरी टोली उपाधि जित्न सफल भएको हो। प्रतियोगितामा टोलीका प्रशिक्षक चेत कुमार घिमिरे उत्कृष्ट प्रशिक्षक घोषित भएका छन्। टोलीको उत्कृष्ट प्रदर्शनमा खेलाडी तथा अफिसियलहरूको महत्वपूर्ण योगदान रहेको बताइएको छ।उक्त सफलताप्रति नेपाल प्रहरी पुरुष फुटबल टिमका सम्पूर्ण खेलाडी, प्रशिक्षक तथा अफिसियलहरूलाई हार्दिक बधाई तथा आगामी प्रतियोगिताका लागि शुभकामना व्यक्त गरिएको छ।

उत्कृष्ट खेल जीवनको सम्मानमा दिपक राज जोशीलाई विशेष सम्मान

२०८३-०१-२२

आज मिति २०८३।०१।२२ गते राष्ट्रिय प्रहरी प्रशिक्षण प्रतिष्ठानका कार्यकारी निर्देशक तथा नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक श्री शिद्धी बिक्रमज्यूको प्रमुख आतित्थ्यतामा पूर्व राष्ट्रिय भलिबल खेलाडी तथा नेपाल पुलिस क्लब भलिबल टिमका कप्‍तान दिपक राज जोशीलाई उहाँको उत्कृष्ट खेल जीवनको सम्मानमा आयोजित विशेष कार्यक्रममा सम्मान ज्ञापन गरिएको छ ।मिति २०७० सालदेखि नेपाल प्रहरीबाट राष्ट्रिय स्तरका प्रतियोगिताहरूमा सक्रिय सहभागिता जनाउँदै वि.सं. २०७३ सालदेखि २०७९ सालसम्म नेपाली राष्ट्रिय भलिबल टोलीमा आबद्ध रहँदै राष्ट्रको गरिमा उच्च बनाउन महत्वपूर्ण योगदान पुर्‍याउनु भएको थियो । विभिन्न राष्ट्रिय तथा अन्तर्राष्ट्रिय प्रतियोगिताहरूमा उत्कृष्ट प्रदर्शन गर्दै राष्ट्र र संगठनको छवि उज्ज्वल बनाउन सफल हुनु भएका उहाँले मिति २०८३।०१।१९ गते भलिबल खेलबाट औपचारिक रूपमा सन्यास लिनु भएको थियो ।

अपराध अनुसन्धान तालिम सम्पन्न

२०८३-०१-२२

मिति २०८२/१२/०८ गते देखि नेपाल प्रहरी अपराध अनुसन्धान विद्यालय, महाराजगञ्जमा सञ्चालित अपराध अनुसन्धान (सि.प्र.अ.) तालिम १०१ औं समूहको मिति २०८३/०१/२२ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्युको प्रमुख आतिथ्यतामा समापन कार्यक्रम सम्पन्न भयो । उक्त कार्यक्रममा प्रमूख आतिथिज्यूले दीक्षित भई जाने प्रशिक्षार्थीहरूलाई प्रशिक्षणको क्रममा प्राप्त गरेको ज्ञान, सीप र क्षमतालाई कार्यक्षेत्रमा उच्च मनोबलका साथ अक्षरश पालना गरी नेपाल प्रहरी संगठनको अपराध अनुसन्धान क्षेत्रलाई सदैव प्रयत्नशील राखिरहनुपर्ने कुरामा जोड दिदै प्रमुख अतिथिज्यूले शुभकामना सहितको निर्देशन सम्बोधन र प्रमाणपत्र वितरण समेत गर्नुभएको थियो भने तालिम संयोजक प्रहरी उपरीक्षक गोबिन्द राज काफ्लेज्यूले तालिम सम्बन्धि संक्षिप्त प्रतिवेदन प्रस्तुत गर्नु भएको थियो । उक्त कार्यक्रममा यस प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका सह-निर्देशकज्यू लगायत अन्य सिनियर प्रहरी अधिकृतज्यू, जुनियर प्रहरी अधिकृत र प्रशिक्षक तथा प्रशिक्षार्थीहरूको समेत उपस्थिति रहेको थियो ।