ललितपुर महानगरपालिका वडा नं. ११ को प्रायोजनमा खोल्चा पखरी टोल सुधार समिति तथा खोल्चा पुखु खेलकुद उप–समितिको संयुक्त आयोजनामा “दोस्रो पुष्पराज स्मृति राष्ट्रिय टेबल टेनिस प्रतियोगिता २०८३” सम्पन्न भएको छ।

मिति २०८३ साल वैशाख १८ र १९ गते सञ्चालन भएको उक्त प्रतियोगितामा नेपाल प्रहरीका खेलाडीहरूले उत्कृष्ट प्रदर्शन गरेका छन्। प्रतियोगिताको महिला तर्फ नबिता श्रेष्ठ र पुरुष तर्फ संयोग कपाली प्रथम स्थान हासिल गर्न सफल भएका छन्।

विजेता खेलाडीहरूलाई आयोजक तथा स्थानीय प्रतिनिधिहरूले बधाई तथा शुभकामना व्यक्त गरेका छन्।