दशौं प्रधानमन्त्री कप एन.भि.ए. महिला तथा पुरुष भलिबल लिग २०८३ मा नेपाल प्रहरीको उत्कृष्ट प्रदर्शन: महिला टिम प्रथम, पुरुष टिम तृतीय

२०८३-०१-२२

A
A^-
A⁺

नेपाल भलिबल संघको आयोजनामा मिति २०८३।०१।१० गतेदेखि ऐ. १९ गतेसम्म राष्ट्रिय खेलकुदको कभर्डहलमा सञ्चालन भएको “दशौं प्रधानमन्त्री कप एन.भि.ए. महिला तथा पुरुष भलिबल लिग २०८३” मा प्रथम स्थान हासिल गर्न सफल नेपाल प्रहरी महिला भलिबल टिम तथा विधागत रुपमा उत्कृष्ट घोषित हुन सफल स्पाइकर लक्ष्मी चन्द, प्रशिक्षक रुपेश कुमार विष्ट र सर्वोत्कृष्ट खेलाडी उषा भण्डारी साथै तृतीय स्थान हासिल गर्न सफल नेपाल प्रहरी पुरुष भलिबल टिम लगायत सम्पूर्ण खेलाडी तथा अफिसियलहरूलाई आज मिति २०८३/०१/२२ गते यस प्रतिष्ठानका कार्यकारी निर्देशक तथा नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक श्री शिद्धी बिक्रम शाहज्यूले हार्दिक बधाई एवम् आगामी दिनहरुमा थप सफलताको शुभकामना व्यक्त गर्नु भयो ।

सम्बन्धित समाचार

दर्ज्यानी चिन्ह सुशोभन तथा खेल सामग्री हस्तान्तरण कार्यक्रम सम्पन्न

२०८३-०१-२३

मिति २०८३।०१।२३ गते राष्ट्रिय प्रहरी प्रशिक्षण प्रतिष्ठान, महाराजगञ्‍जका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूको प्रमुख आतिथ्यतामा नेपाल प्रहरी प्रधान कार्यालय, कर्मचारी प्रशासन शाखाको च.नं. ६७९९, मिति २०८३/०१/११ गतेको पत्रदेशानुसार प्रहरी नियमावली २०७१ (संसोधन सहित) को नियम ३९ बमोजिम जनपद प्रहरी समूह तर्फको प्रहरी जवान पदबाट प्रहरी सहायक हवल्दार पदमा विशेष बढुवा हुनुभएका नेपाल पुलिस क्लब क्रिकेट टिमका क्याप्टेन म. आरीफ शेखलाई दर्ज्यानी चिह्नद्वारा सुशोभन कार्यक्रम सम्पन्न भयो । उक्त कार्यक्रममा प्रमुख अतिथिज्यूले माया ग्रुप यु.के. र नेपाल प्रहरी शारीरिक सुगठन तथा खेलकुद शिक्षालय बिच २०२६ देखि २०२७ सम्म नेपाल पुलिस क्रिकेट टिमका लागि खेल सामग्री प्रायोजन गर्ने सम्झौता भए अनुरुप प्राप्त खेल सामग्रीहरू नेपाल पुलिस क्लब क्रिकेट टिमका खेलाडी तथा अफिसियलहरूलाई प्रदान गर्नुभएको थियो ।

रेखा, उषा र निर्मलाको उत्कृष्ट प्रदर्शनसँगै नेपाल प्रहरी टिम च्याम्पियन

२०८३-०१-२२

आर.एस. पोखरा फुटबल क्लबको आयोजनामा मिति २०८३/०१/१८ गतेदेखि ऐ. २० गतेसम्म पोखरामा सञ्चालन भएको “प्रथम पोखरा महिला गोल्ड कप २०८३” मा प्रथम स्थान हासिल गर्नुका साथै विधागत रुपमा उत्कृष्ट घोषित हुन सफल सर्वाधिक गोलकर्ता रेखा पौडेल, गोलरक्षक उषा नाथ तथा प्रतियोगिताको सर्वोत्कृष्ट खेलाडी निर्मला वि.क. लगायत नेपाल प्रहरी महिला फुटबल टिमका सम्पूर्ण खेलाडी तथा अफिसियलहरूलाई आज मिति २०८३/०१/२२ गते यस प्रतिष्ठानका कार्यकारी निर्देशक तथा नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक श्री शिद्धी बिक्रम शाहज्यूले हार्दिक बधाई एवम् आगामी दिनहरुमा थप सफलताको शुभकामना व्यक्त गर्नु भयो ।

अपराध अनुसन्धान तालिम सम्पन्न

२०८३-०१-२२

मिति २०८२/१२/०८ गते देखि नेपाल प्रहरी अपराध अनुसन्धान विद्यालय, महाराजगञ्जमा सञ्चालित अपराध अनुसन्धान (सि.प्र.अ.) तालिम १०१ औं समूहको मिति २०८३/०१/२२ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्युको प्रमुख आतिथ्यतामा समापन कार्यक्रम सम्पन्न भयो । उक्त कार्यक्रममा प्रमूख आतिथिज्यूले दीक्षित भई जाने प्रशिक्षार्थीहरूलाई प्रशिक्षणको क्रममा प्राप्त गरेको ज्ञान, सीप र क्षमतालाई कार्यक्षेत्रमा उच्च मनोबलका साथ अक्षरश पालना गरी नेपाल प्रहरी संगठनको अपराध अनुसन्धान क्षेत्रलाई सदैव प्रयत्नशील राखिरहनुपर्ने कुरामा जोड दिदै प्रमुख अतिथिज्यूले शुभकामना सहितको निर्देशन सम्बोधन र प्रमाणपत्र वितरण समेत गर्नुभएको थियो भने तालिम संयोजक प्रहरी उपरीक्षक गोबिन्द राज काफ्लेज्यूले तालिम सम्बन्धि संक्षिप्त प्रतिवेदन प्रस्तुत गर्नु भएको थियो । उक्त कार्यक्रममा यस प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका सह-निर्देशकज्यू लगायत अन्य सिनियर प्रहरी अधिकृतज्यू, जुनियर प्रहरी अधिकृत र प्रशिक्षक तथा प्रशिक्षार्थीहरूको समेत उपस्थिति रहेको थियो ।

उत्कृष्ट खेल जीवनको सम्मानमा दिपक राज जोशीलाई विशेष सम्मान

२०८३-०१-२२

आज मिति २०८३।०१।२२ गते राष्ट्रिय प्रहरी प्रशिक्षण प्रतिष्ठानका कार्यकारी निर्देशक तथा नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक श्री शिद्धी बिक्रमज्यूको प्रमुख आतित्थ्यतामा पूर्व राष्ट्रिय भलिबल खेलाडी तथा नेपाल पुलिस क्लब भलिबल टिमका कप्‍तान दिपक राज जोशीलाई उहाँको उत्कृष्ट खेल जीवनको सम्मानमा आयोजित विशेष कार्यक्रममा सम्मान ज्ञापन गरिएको छ ।मिति २०७० सालदेखि नेपाल प्रहरीबाट राष्ट्रिय स्तरका प्रतियोगिताहरूमा सक्रिय सहभागिता जनाउँदै वि.सं. २०७३ सालदेखि २०७९ सालसम्म नेपाली राष्ट्रिय भलिबल टोलीमा आबद्ध रहँदै राष्ट्रको गरिमा उच्च बनाउन महत्वपूर्ण योगदान पुर्‍याउनु भएको थियो । विभिन्न राष्ट्रिय तथा अन्तर्राष्ट्रिय प्रतियोगिताहरूमा उत्कृष्ट प्रदर्शन गर्दै राष्ट्र र संगठनको छवि उज्ज्वल बनाउन सफल हुनु भएका उहाँले मिति २०८३।०१।१९ गते भलिबल खेलबाट औपचारिक रूपमा सन्यास लिनु भएको थियो ।

नेपाल प्रहरीका टेबल टेनिसका प्रशिक्षक तथा खेलाडीहरूलाई प्रथम स्थान हासिल गरेकोमा बधाई ज्ञापन

२०८३-०१-२१

ललितपुर म.न.पा. वार्ड नं. ११ को प्रायोजनमा खोल्चा पखरी टोल सुधार समिति तथा खोल्चा पुखु खेलकुद उप समितिको संयुक्त आयोजनामा मिति २०८३।०१।१८ र १९ गते सञ्चालन भएको “दोस्रो पुष्पराज स्मृति राष्ट्रिय टेबल टेनिस प्रतियोगिता २०८३” मा प्रथम स्थान हासिल गर्न सफल नेपाल प्रहरीका टेबल टेनिसका प्रशिक्षक तथा खेलाडीहरुलाई मिति २०८३/०१/२१ गते यस प्रतिष्ठानका कार्यकारी निर्देशक तथा नेपाल प्रहरी शारीरिक सुगठन तथा खेलकुद शिक्षालयका सदस्य सचिव प्रहरी अतिरिक्त महानिरीक्षक श्री शिद्धी बिक्रम शाहज्यूले हार्दिक बधाई एवम् आगामी दिनहरुमा थप सफलताको शुभकामना व्यक्त गर्नु भयो ।

“प्रथम पोखरा महिला गोल्ड कप २०८३” मा प्रथम स्थान हासिल

२०८३-०१-२०

पोखरा, २० वैशाख — आर.एस. पोखरा फुटबल क्लबको आयोजनामा वैशाख १८ गतेदेखि २० गतेसम्म पोखरामा सम्पन्न “प्रथम पोखरा महिला गोल्ड कप २०८३” को उपाधि नेपाल प्रहरी महिला फुटबल टिमले जितेको छ।प्रतियोगितामा उत्कृष्ट प्रदर्शन गर्दै नेपाल प्रहरीले प्रथम स्थान हासिल गरेको हो। प्रतियोगितामा व्यक्तिगत विधातर्फ नेपाल प्रहरीकी रेखा पौडेल सर्वाधिक गोलकर्ता घोषित भइन् भने उषा नाथ उत्कृष्ट गोलरक्षक चुनिइन्। त्यसैगरी, निर्मला वि.क. प्रतियोगिताकै सर्वोत्कृष्ट खेलाडी घोषित भइन्।विजेता टिमका खेलाडीहरूको समन्वय, अनुशासन र उत्कृष्ट प्रदर्शन प्रतियोगिताभरि उल्लेखनीय रहेको आयोजकले जनाएको छ। टिमका अफिसियलहरूको रणनीतिक भूमिका पनि सफलतामा महत्वपूर्ण रहेको बताइएको छ।उक्त प्रतियोगिताले महिला फुटबलको प्रवर्द्धनमा सकारात्मक योगदान पुर्‍याउने विश्वास आयोजकको रहेको छ।