अखिल नेपाल टेबल टेनिस संघ को आयोजनामा राष्ट्रिय टेबल टेनिस प्रशिक्षण केन्द्र लैनचौरमा जेठ १४ गतेदेखि १७ गतेसम्म सञ्चालन भएको ४२औं राष्ट्रिय टेबल टेनिस प्रतियोगिता २०८३ मा नेपाल प्रहरी टेबल टेनिस टिम टिम च्याम्पियन बन्न सफल भएको छ।

प्रतियोगितामा नेपाल प्रहरीको टोलीले उत्कृष्ट प्रदर्शन गर्दै ५ स्वर्ण, २ रजत र ४ कास्य पदकसहित कुल ११ पदक जितेर प्रथम स्थान हासिल गरेको हो।

प्रतियोगिताभर उत्कृष्ट खेल प्रदर्शन गर्दै विभिन्न विधामा पदक जित्न सफल नेपाल प्रहरी टेबल टेनिस टिमलाई खेलकुद क्षेत्रका सरोकारवालाहरूले बधाई तथा शुभकामना व्यक्त गरेका छन्। टोलीको यस सफलताले नेपाल प्रहरीको खेलकुद क्षेत्रमा रहेको योगदान र क्षमता पुनः स्थापित गरेको छ।

नेपाल प्रहरी टेबल टेनिस टिमको यो उपलब्धिले आगामी राष्ट्रिय तथा अन्तर्राष्ट्रिय प्रतियोगितामा थप उत्साह र प्रेरणा प्रदान गर्ने विश्वास गरिएको छ।