शुभकामना तथा फेरी भेटौला कार्यक्रम सम्पन्न

२०८३-०३-०२

A
A^-
A⁺

नेपाल प्रहरी प्रधान कार्यालय, मानवश्रोत विकास विभाग कर्मचारी प्रशासन शाखाको च.नं. ७५७३, मिति २०८३/०२/२७ गतेको पत्रले अपराध अनुसन्धान विद्यालय, महाराजगञ्जबाट अख्तियार दुरूपयोग अनुसन्धान आयोग, टंगाल सरुवा हुनुभएका प्रहरी निरीक्षक रविन्द्र कुमार श्रेष्ठ र राष्ट्रिय प्रहरी प्रशिक्षण प्रतिष्ठान महाराजगञ्जबाट इलाका प्रहरी कार्यालय भिमफेदी, मकवानपुर सरुवा हुनुभएका प्रहरी निरीक्षक सनम मल्लज्यूहरूलाई मिति २०८३/०३/०२ गते प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्राम शाहज्यूको प्रमुख आतिथ्यतामा “शुभकामना तथा फेरि भेटौंला” कार्यक्रम सम्पन्न भयो ।

सोही कार्यक्रममा प्रमुख अतिथिज्यूले प्रतिष्ठानको तर्फबाट मायाको चिनो हस्तान्तरण गर्नुका साथै आगामी व्यवसायिक जीवनको सफलताको शुभकामना समेत व्यक्त गर्नु भयो

सम्बन्धित समाचार

स्थलगत भ्रमण तथा अवलोकन कार्यक्रम सम्पन्न

२०८३-०४-०६

मिति २०८३ श्रावण ०५ गते निमित्त प्रहरी महानिरीक्षक तथा यस प्रतिष्ठानका कार्यकारी निर्देशक राजन अधिकारीज्यूद्धारा भारत सरकारको अनुदान सहयोगमा काभ्रेपलाञ्चोक जिल्लाको पनौती नगरपालिका वडा नं. ६, दलिन्चोकमा निर्माण हुँदै गरेको राष्ट्रिय प्रहरी प्रशिक्षण प्रतिष्ठान परियोजनाको स्थलगत भ्रमण तथा अवलोकन कार्यक्रम सम्पन्न भएको छ । उक्त कार्यक्रममा प्रहरी नायव महानिरीक्षक ई. रामकुमार चौधरीज्यू, प्रहरी वरिष्ठ उपरीक्षक आ. हरि डङ्गोलज्यू, भारतीय राजदुतावासका प्रतिनिधिज्यूहरू, परियोजनाका भारतीय परामर्शदाता Central Public Works Department (CPWD) का ईन्जिनियरहरू, निर्माण व्यवसायी ACIL-RCPL JV का प्राविधिक तथा प्रतिनिधीहरूको उपस्थिति रहेको थियो ।

नेपाल प्रहरीका खेलाडीहरूको उत्कृष्ट प्रदर्शन

२०८३-०४-०४

साउथ एशियन कराते महासंघको क्यालेण्डर बमोजिम मिति २०८३/०३/३१ गतेदेखि मिति २०८३/०४/०३ गतेसम्म मित्रराष्ट्र बंगलादेशको ढाकामा सञ्चालन भएको “१० औं दक्षिण एशियाली कराते च्याम्पियनसिप २०२६” मा राष्ट्रको प्रतिनिधित्व गरी ७ स्वर्ण, ३ रजत र ३ कास्य गरी कुल १३ पदक हासिल गर्न सफल नेपाल प्रहरीका कराते खेलाडीहरू लगायत नेपाल कराते टिमका सम्पूर्ण खेलाडी तथा अफिसियलहरूलाई विभिन्न निकायले बधाई तथा शुभकामना व्यक्त गरेका छन् ।

विदाई तथा फेरि भेटौला कार्यक्रम सम्पन्न

२०८३-०४-०१

मिति २०८३/०४/०१ गते राष्ट्रिय प्रहरी प्रशिक्षण प्रतिष्ठान, महाराजगञ्जका कार्यकारी निर्देशक प्रहरी अतिरिक्त महानिरीक्षक श्री राजन अधिकारीज्यूको प्रमुख आतिथ्यतामा यस प्रतिष्ठानबाट अख्तियार दुरूपयोग अनुसन्धान आयोग, टंगाल सरुवा हुनु भएका प्राविधिक प्रहरी उपरीक्षक सुनिल कुमार वरनवालज्यू, बागमती प्रदेश प्रहरी कार्यालय,हेटौंडा सरुवा हुनु भएका प्रहरी निरीक्षक सविन कुमार संग्रौलाज्यू तथा उमेर हदको आधारमा अनिवार्य अवकाश हुनु भएका प्रहरी नायव निरीक्षक युवराज बस्नेतज्यूको समेतको बिदाई कार्यक्रम सम्पन्न भएको छ ।उक्त कार्यक्रममा कार्यकारी निर्देशकज्यूबाट सरुवा भई जानुहुने प्रहरी अधिकृतज्यूहरूलाई आगामी व्यवसायिक जिवनमा संगठनको मुल्य र मान्यता अनुरुप कार्य गर्न निर्देशन तथा अनिवार्य अवकाश हुनु भएका प्रहरी नायव निरीक्षक युवराज बस्नेतज्यूलाई सुखमय पारिवारिक तथा नागरिक जिवनको लागि शुभकामना समेत व्यक्त गर्नु भएको थियो ।

अन्तरक्रिया तथा निर्देशन सम्वोधन कार्यक्रम सम्पन्न

२०८३-०४-०१

मिति २०८३/०४/०१ गते यस प्रतिष्ठानका कार्यकारी निर्देशकज्यूको प्रमुख आतिथ्यतामा तालिम प्रदायक कार्यालयहरूको कार्यालय प्रमुखहरूसँग Virtual माध्यमद्वारा तालिम सम्वन्धी समसामयिक विषयवस्तुहरूमा अन्तरक्रिया तथा निर्देशन सम्वोधन कार्यक्रम सम्पन्न भयो ।

जुडो आधारभूत तालिम सम्पन्न

२०८३-०३-३०

मिति २०८३/०३/३० गते निमित्त प्रहरी महानिरीक्षक तथा राष्ट्रिय प्रहरी प्रशिक्षण प्रतिष्ठान, महाराजगञ्जका कार्यकारी निर्देशक प्रहरी अतिरिक्त महानिरीक्षक श्री राजन अधिकारीज्यूको प्रमुख आतिथ्यतामा जुडो आधारभूत तालिम ८९ औं समूहको तालिम समापन कार्यक्रम सम्पन्न भएको छ ।उक्त कार्यक्रममा प्रमुख अतिथिज्यूले दीक्षित भई जाने प्रशिक्षार्थीहरूलाई प्रमाणपत्र, पुरस्कार र "Black Belt"(1st Dan) प्रदान गर्नुका साथै निर्देशन सम्बोधन समेत गर्नुभएको थियो । यस तालिमका तालिम संयोजक प्रहरी निरीक्षक भरत अधिकारीले तालिम सम्बन्धी संक्षिप्त प्रतिवेदन प्रस्तुत गर्नुभएको थियो ।

स्वागत कार्यक्रम तथा पदभार ग्रहण

२०८३-०३-२९

नेपाल सरकार (मन्त्रिपरिषद) को मिति २०८३/०३/१८ गतेको निर्णयले नेपाल प्रहरी प्रधान कार्यालय, मानवश्रोत विकास विभाग, नक्सालबाट राष्ट्रिय प्रहरी प्रशिक्षण प्रतिष्ठान, महाराजगञ्जमा सरुवा हुनुभएका कार्यकारी निर्देशक प्रहरी अतिरिक्त महानिरीक्षक श्रीमान् राजन अधिकारीज्यू मिति २०८३/०३/२९ गते यस प्रतिष्ठानमा हाजिर हुनुभई पदभार ग्रहण गर्नुभयो ।