नेपाल पुलिस फुटबल क्लव र IGI PRUDENTIAL INSURANCE Ltd. विच प्रायोजन सम्झौता सम्पन्न

२०८३-०२-२२

A
A^-
A⁺

मिति २०८३/०२/२२ गते, नेपाल पुलिस क्लबको (महिला तथा पुरुष फुटबल टिम) व्यवस्थापन, तयारी, प्रशिक्षण, ब्रान्डिङ र राष्ट्रिय एवं अन्तर्राष्ट्रिय प्रतियोगितामा सहभागितालाई अझ प्रभावकारी र व्यवस्थित बनाउने उद्देश्यले नेपाल पुलिस फुटबल क्लव र IGI PRUDENTIAL INSURANCE Ltd. विच आज प्रायोजन सम्झौता सम्पन्न भएको छ । उक्त सम्झौतामा IGI PRUDENTIAL INSURANCE Ltd. ले पाँच वर्षसम्मको लागी प्रायोजन उपलब्ध गराउनेछ । यस प्रायोजनले नेपाल पुलिस क्लबका महिला तथा पुरुष फुटबल टिमहरूको समग्र विकासमा महत्वपूर्ण योगदान पुर्याउने अपेक्षा गरिएको छ ।

उक्त कार्यक्रममा नेपाल पुलिस फुटबल क्लवको तर्फबाट राष्ट्रिय प्रहरी प्रशिक्षण प्रतिष्‍ठानका कार्यकारी निर्देशक एबं नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक शिद्धी बिक्रम शाहज्यू र IGI PRUDENTIAL INSURANCE Ltd. को तर्फबाट प्रमुख कार्यकारी अधिकृत युगेस भक्त बादे श्रेष्ठज्यूले हस्ताक्षर गर्नु भई सम्झौता बमोजिमका शर्तहरू पुरा गर्ने सन्दर्भमा दुवै पक्ष प्रतिवद्ध रहने कुरा व्यक्त गर्नु भयो ।

सम्बन्धित समाचार

नेपाल प्रहरीकी एरिका गुरुङद्वारा कास्य पदक जित

२०८३-०३-११

काठमाडौं, असार — मित्रराष्ट्र इण्डोनेसियाको वाली शहरमा २०८३ साल असार ४ गतेदेखि ७ गतेसम्म सञ्चालन भएको "22nd Asian Senior Karate Championship 2026" मा नेपालका तर्फबाट प्रतिस्पर्धा गरेकी नेपाल प्रहरीकी कराते खेलाडी एरिका गुरुङले कास्य पदक जित्न सफल भएकी छिन्।प्रतियोगितामा उत्कृष्ट प्रदर्शन गर्दै गुरुङले नेपाललाई अन्तर्राष्ट्रिय स्तरमा गौरवान्वित बनाएकी हुन्। उनको यस उपलब्धिले नेपाली कराते खेलको विकास तथा अन्तर्राष्ट्रिय क्षेत्रमा नेपालको प्रतिष्ठा अभिवृद्धि गर्न महत्वपूर्ण योगदान पुर्‍याएको छ।नेपाल प्रहरी परिवारले गुरुङको उल्लेखनीय सफलताप्रति हार्दिक बधाई ज्ञापन गर्दै आगामी दिनमा समेत थप सफलताको शुभकामना व्यक्त गरेको छ।

दर्ज्यानी चिन्ह सुशोभन कार्यक्रम सम्पन्न

२०८३-०३-०९

नेपाल प्रहरी प्रधान कार्यालय, मानवश्रोत विकास विभाग कर्मचारी प्रशासन शाखाको च.नं. ७८४९ मिति २०८३/०३/०५ गतेको निर्णयानुसार प्राविधिक प्रहरी समूह, संचार तर्फको प्रहरी जवान पदबाट प्रहरी सहायक हवल्दार पदमा वढुवा हुनु भएका प्रहरी कर्मचारीहरूलाई प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूबाट मिति २०८३/०३/०९ गते दर्ज्यानी चिन्हद्वारा सुशोभन कार्यक्रम सम्पन्न भयो ।

“Flag Night-Food Festival & Cultural Program” कार्यक्रम सम्पन्न

२०८३-०३-०५

मिति २०८३/०३/०४ गते राष्ट्रिय प्रहरी प्रशिक्षण प्रतिष्ठान, महाराजगञ्जमा नेपाल प्रहरी संगठन प्रमुख श्रदेय श्रीमान् प्रहरी महानिरीक्षक दान बहादुर कार्कीज्यूको प्रमुख आतिथ्यतामा प्रहरी निरीक्षक आधारभूत तालिम १-१८४ औँ समूहका प्रशिक्षार्थीहरूद्वारा आयोजित “Flag Night-Food Festival & Cultural Program” कार्यक्रम भव्यताका साथ सम्पन्न भयो । उक्त कार्यक्रममा नेपाल प्रहरी अस्पतालका मेडिकल डाइरेक्टर, नेपाल प्रहरी प्रधान कार्यालय मानवश्रोत विकास विभाग प्रमुख, नेपाल प्रहरी प्रधान कार्यालय केन्द्रीय अनुसन्धान ब्यूरोका प्रमुख, प्रतिष्ठानका कार्यकारी निर्देशक, अपराध अनुसन्धान विभाग प्रमुख, कार्य विभाग प्रमुख, प्रदेश समन्वय विभाग प्रमुख, उपत्यका प्रमुख, तथा प्रतिष्ठानका निर्देशक लगायत विशिष्ट अतिथिज्यूहरूको गरिमामय उपस्थिति रहेको थियो । कार्यक्रममा प्रहरी निरीक्षक आधारभूत तालिमका प्रशिक्षार्थीहरूले सबै प्रदेशहरूमा रहेका जात-जातीहरूको मौलिकता एवं संस्कृति झल्कने स्थानीय व्यञ्जनहरू तयार पारी पेश गरेका थिए । प्रहरी निरीक्षक आधारभूत तालिमका प्रशिक्षार्थीहरू तथा नेपाल प्रहरी सङ्गीत विद्यालयद्वारा लोक नृत्य एवं साङ्गीतिक प्रस्तुति समेत देखाइएको थियो ।

सुरक्षा चुनौतीको सम्बोधनमार्फत जनविश्वास निर्माण विषयक कार्यशाला सम्पन्न

२०८३-०३-०३

काठमाडौं, असार ३ - राष्ट्रिय प्रहरी प्रशिक्षण प्रतिष्ठान, महाराजगञ्जमा बुधबार “सुरक्षा चुनौतीको सम्बोधन मार्फत जनविश्वासको निर्माण–सिकाइको दृष्टिकोण (Building Public Trust Through Addressing Security Challenges- Learning Perspective)” एक दिने कार्यशाला गोष्ठी सम्पन्न भएको छ।प्रहरी महानिरीक्षक र राष्ट्रिय प्रहरी प्रशिक्षण प्रतिष्ठानका कार्यकारी निर्देशकबीच सम्पन्न कार्यसम्पादन सम्झौता (आर्थिक वर्ष २०८२/०८३) को बुँदा नं. २० अन्तर्गत आयोजित उक्त कार्यशालाको अध्यक्षता प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहले गरेका थिए।कार्यशालामा प्रहरी महानिरीक्षक प्रकाश अर्याल (अ.प्रा.), त्रिभुवन विश्वविद्यालयका उप–प्राध्यापक डा. पिताम्बर भण्डारी, Grabnews Incorporated Pvt. Ltd. का कार्यकारी अध्यक्ष भुषण दाहाल, प्रतिष्ठानका निर्देशक प्रहरी नायव महानिरीक्षक दिनेश कुमार आचार्य, प्रहरी नायव महानिरीक्षक पुरुषोत्तम कडेल (अ.प्रा.) लगायत नेपाल प्रहरी प्रधान कार्यालय, विभिन्न विभाग तथा निर्देशनालय, केन्द्रीय अनुसन्धान ब्युरो, काठमाडौं उपत्यका प्रहरी कार्यालय, नेपाल प्रहरी अस्पताल, जिल्ला प्रहरी परिसर तथा अन्य निकायका प्रतिनिधिहरूको सहभागिता रहेको थियो।बिहान ११:३० बजे सुरु भएको कार्यशालामा सुरक्षा चुनौतीहरूको प्रभावकारी सम्बोधन, सार्वजनिक विश्वास अभिवृद्धि तथा सिकाइका अनुभव आदान–प्रदानका विषयमा छलफल गरिएको थियो। कार्यशाला अपराह्न ०३:०० बजे सम्पन्न भएको प्रतिष्ठानले जनाएको छ।

शुभकामना तथा फेरी भेटौला कार्यक्रम सम्पन्न

२०८३-०३-०२

नेपाल प्रहरी प्रधान कार्यालय, मानवश्रोत विकास विभाग कर्मचारी प्रशासन शाखाको च.नं. ७५७३, मिति २०८३/०२/२७ गतेको पत्रले अपराध अनुसन्धान विद्यालय, महाराजगञ्जबाट अख्तियार दुरूपयोग अनुसन्धान आयोग, टंगाल सरुवा हुनुभएका प्रहरी निरीक्षक रविन्द्र कुमार श्रेष्ठ र राष्ट्रिय प्रहरी प्रशिक्षण प्रतिष्ठान महाराजगञ्जबाट इलाका प्रहरी कार्यालय भिमफेदी, मकवानपुर सरुवा हुनुभएका प्रहरी निरीक्षक सनम मल्लज्यूहरूलाई मिति २०८३/०३/०२ गते प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्राम शाहज्यूको प्रमुख आतिथ्यतामा “शुभकामना तथा फेरि भेटौंला” कार्यक्रम सम्पन्न भयो । सोही कार्यक्रममा प्रमुख अतिथिज्यूले प्रतिष्ठानको तर्फबाट मायाको चिनो हस्तान्तरण गर्नुका साथै आगामी व्यवसायिक जीवनको सफलताको शुभकामना समेत व्यक्त गर्नु भयो

अवकाश प्राप्त प्रहरी नायव निरीक्षक बिष्णु प्रसाद रिमालज्यूको विदाई कार्यक्रम सम्पन्न

२०८३-०३-०१

नेपाल प्रहरी प्रधान कार्यालय, कर्मचारी प्रशासन शाखाको च.नं.७०२० मिति २०८३/०१/२९ गतेको पत्रादेशानुसार यस प्रतिष्ठानको च.नं. ८२४९ मिति २०८३/०३/०१ गतेको पत्रद्वारा सेवाबाट अनिवार्य अवकाश हुनु भएका प्रहरी नायव निरीक्षक बिष्णु प्रसाद रिमालज्यूलाई मिति २०८३/०३/०१ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूको प्रमुख आतिथ्यतामा सेवा निवृत भई जान लाग्नु भएका प्रहरी नायव निरीक्षकलाई मायाको चिनो प्रदान गर्नुका साथै यस प्रतिष्ठानमा पुर्‍याउनु भएको योगदानको उच्च कदर गर्दै अवकाश पछिको पारिवारिक एवम् सामाजिक जिवनको शुभकामना व्यक्त गर्नु भयो । उक्त कार्यक्रममा सेवा निवृत भई जान लाग्नुभएका अवकाश प्राप्त प्र.ना.नि. बिष्णु प्रसाद रिमालज्यूले अवकाश पछि पनि पूर्व प्रहरीको रुपमा प्रहरी संगठनसँग आवद्धता रहि रहनुका साथै पूर्व प्रहरीको हैसियतले प्रहरी संगठनको श्रीवृद्धिमा आफू निरन्तर लाग्ने प्रतिवद्धता व्यक्त गर्नुभएको थियो ।