अन्तर्क्रिया कार्यक्रम सम्पन्न

२०८१-०५-१६

A
A^-
A⁺

मिति २०८१/०४/०६ गतेदेखि संचालित अपराध अनुसन्धान तालिम (सि.प्र.अ.) ९७ औं समूहका प्रशिक्षार्थीहरुको आज मिति २०८१/०५/१६ गते संगठन प्रमुख प्रहरी महानिरीक्षक बसन्त बहादुर कुँवरज्यूसँग अपराध अनुसन्धान सम्बन्धी विषयमा अन्तर्क्रिया कार्यक्रम सम्पन्न । श्रीमान् प्रहरी महानिरीक्षकज्यूले प्रशिक्षार्थीबाट अपराध अनुसन्धानको सम्बन्धमा उठेका जिज्ञासाहरुका समाधान गर्नुका साथै निर्देशन सम्बोधनका क्रममा नेपाल प्रहरी संगठनका अपराध अनुसन्धान लक्षित भावी रणनीति, योजना तथा अपराध अनुसन्धानको क्षेत्रमा कार्यरत प्रहरी कर्मचारीहरूको वृत्ति विकास सम्बन्धमा समेत प्रकाश पार्नु भएको थियो ।

उक्त कार्यक्रमा राष्ट्रिय प्रहरी प्रशिक्षण प्रतिष्ठानका निर्देशक प्रहरी नायव महानिरीक्षक डा. मनोज कुमार के.सी.ज्यू र नेपाल प्रहरी अपराध अनुसन्धान विद्यालयका प्रधानाचार्यको समेत उपस्थिति रहेको थियो ।

सम्बन्धित समाचार

"अवकाश प्राप्त प्रहरी बरिष्ठ नायव निरीक्षक तिलाराम बोहराज्यूको विदाई कार्यक्रम सम्पन्न"

२०८२-०९-११

नेपाल प्रहरी प्रधान कार्यालय, कर्मचारी प्रशासन शाखाको च.नं.३३७७ मिति २०८२/०८/०४ गतेको पत्रले सेवाबाट अनिवार्य अवकाश हुनु भएका प्रहरी बरिष्ठ नायव निरीक्षक तिलाराम बोहराज्यूलाई आज मिति २०८२/०९/११ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूको प्रमुख आतिथ्यतामा सेवा निवृत भई जान लाग्नु भएका प्रहरी बरिष्ठ नायव निरीक्षकलाई मायाको चिनो प्रदान गर्नुका साथै यस प्रतिष्ठानमा पुर्याउनु भएको योगदानको उच्च कदर गर्दै अवकाश पछिको पारिवारिक एवम् सामाजिक जिवन सुखमय रहोस् भनि शुभकामना व्यक्त गर्नु भयो । उक्त कार्यक्रममा सेवा निवृत भई जान लाग्नुभएका अवकाश प्राप्त प्र.ब.ना.नि.तिलाराम बोहराज्यूले अवकाश पछि पनि पूर्व प्रहरीको रुपमा प्रहरी संगठनसंग आवद्ध रहि रहनुका साथै पूर्व प्रहरीको हैसियतले प्रहरी संगठनको श्रीवृद्धिमा आफू निरन्तर लाग्ने प्रतिवद्धता व्यक्त गर्नुभएको थियो ।

"विदाई तथा फेरी भेटौला कार्यक्रम सम्पन्न"

२०८२-०९-११

नेपाल प्रहरी प्रधान कार्यालय, कर्मचारी प्रशासन शाखाको च.नं.४२६१ मिति २०८२/०९/०४ गतेको पत्रले यस प्रतिष्‍ठानबाट नेपाल प्रहरी प्रधान कार्यालय, मानवश्रोत विकास विभागमा काज सरुवा भई जान लाग्नु भएका प्रहरी निरीक्षक सगुन खड्कालाई मिति २०८२/०९/११ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूले मायाको चिनो प्रदान गरी विदाई गर्नुभयो । साथै उक्त अवसरमा यस प्रतिष्‍ठानका सह- निर्देशक, नेपाल प्रहरी अपराध अनुसन्धान विद्यालयका प्रधानाचार्य लगायत अन्य सिनियर प्रहरी कर्मचारीहरूको समेत उपस्थिती रहेको थियो ।

"अन्तरक्रिया तथा समापन कार्यक्रम सम्पन्न"

२०८२-०९-०९

आज मिति २०८२।०९।०९ गते "समुदाय-प्रहरी साझेदारी प्रशिक्षक प्रशिक्षण (सि.प्र.अ.।जु.प्र.अ.) तालिम" तेस्रो समूहसँग यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूको प्रमुख आतिथ्यतामा अन्तरक्रिया तथा समापन कार्यक्रम सम्पन्न भयो ।उक्त कार्यक्रममा UNOPS Nepal का Country Director कोमल कार्कीज्यू, CPP & GBV Specialist अवकाश प्राप्त प्रहरी अतिरिक्त महानिरीक्षक श्री मिरा चौधरीज्यू र SARA Export Santosh Khatiwada ज्यू समेतको उपस्थिति रहेको थियो भने तालिम संयोजक प्रहरी नायब उपरीक्षक चिनिमाया तामाङले तालिम सम्बन्धी संक्षिप्त प्रतिवेदन प्रस्तुत गर्नु भएको थियो ।

“योग तथा ध्यान शिविर २०८२ को अभ्यास सम्पन्न"

२०८२-०९-०१

आज मिति २०८२/०९/०३ गते विश्‍व ध्यान दिवसको अवसरमा राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा पूर्व संविधान सभा एवम् प्रतिनिधी सभा सदस्य तथा “The Art of Living” योग संस्थाका सल्लाहकार माननीय बिमल केडिया The Art of Living faculty का योग तथा ध्यान प्रशिक्षकद्वय सन्तोष केडिया र सृजना श्रेष्ठको उपस्थितिमा आयोजना गरिएको “योग तथा ध्यान” शिविर २०८२ को अभ्यास सम्पन्न । उक्त कार्यक्रममा यस प्रतिष्ठानका निर्देशकज्यू, सह-निर्देशक, उप-निर्देशक सहित २०० जना प्रशिक्षक तथा प्रशिक्षार्थीहरुको सहभागिता रहेको थियो ।

"स्वागत तथा सम्मान कार्यक्रम सम्पन्न"

२०८२-०८-२८

मित्रराष्ट्र युएईको दुबई शहरमा मिति २०८२।०८।१४ गतेदेखि २०८२।०८।२८ गतेसम्म सञ्चालन भएको “IBA Men’s World Boxing Championship” मा नेपाली राष्ट्रिय टिमको प्रतिनिधित्व गर्दै ५४ के.जी. तौल समूहमा ऐतिहासिक कास्य पदक हासिल गर्न सफल नेपाल प्रहरीका बक्सिङ खेलाडी चन्द्र बहादुर थापालाई आज मिति २०८२।०८।२८ गते एक कार्यक्रमका बीच स्वागत तथा सम्मान कार्यक्रम गरियो ।उक्त कार्यक्रममा राष्ट्रिय प्रहरी प्रशिक्षण प्रतिष्ठानका कार्यकारी निर्देशक एवम् नेपाल प्रहरी खेलकुद समितिका सदस्य सचिव प्रहरी अतिरिक्त महानिरीक्षक श्री शिद्धि बिक्रम शाहज्यूले खेलाडी थापालाई सम्मान गर्दै नेपाल प्रहरी तथा सम्पूर्ण राष्ट्रको गौरव बढाउनुका साथै आगामी दिनहरूमा थप सफलता हासिल गर्न समेत शुभकामना प्रदान गर्नु भयो । सम्मान कार्यक्रममा राष्ट्रिय प्रहरी प्रशिक्षण प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, उप-निर्देशकज्यू, सिनियर प्रहरी अधिकृतज्यूहरू, जु.प्र.अ.ज्यूहरू लगायत नेपाल प्रहरीका विभिन्न खेल विधाका खेलाडीहरूको उल्लेखनीय सहभागिता रहेको थियो ।

"अपराध अनुसन्धान (सि.प्र.अ.) तालिम १०० औं समूहको समापन कार्यक्रम सम्पन्न"

२०८२-०८-२६

मिति २०८२/०७/१६ गते देखी नेपाल प्रहरी अपराध अनुसन्धान विद्यालय महाराजगञ्जमा सञ्चालित अपराध अनुसन्धान (सि.प्र.अ.) तालिम १०० औं समूहको आज मिति २०८२/०८/२६ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा समापन कार्यक्रम सम्पन्न भयो । उक्त कार्यक्रममा प्रमूख अतिथिज्यूले दीक्षित भई जाने प्रशिक्षार्थीहरूलाई प्रशिक्षणको क्रममा प्राप्त गरेको ज्ञान, सीप र क्षमतालाई कार्यक्षेत्रमा उच्च मनोबलका साथ अक्षरक्ष पालना गरी नेपाल प्रहरी संगठनको अपराध अनुसन्धान क्षेत्रलाई सदैव प्रयत्नशील राखिरहनुपर्ने कुरामा जोड दिदै प्रमुख अतिथिज्यूले शुभकामना सहितको निर्देशन सम्बोधन र प्रमाणपत्र वितरण समेत गर्नुभएको थियो भने तालिम संयोजक प्रहरी नायव उपरीक्षक भाष्कर खतिवडाज्यूले तालिम सम्बन्धि संक्षिप्त प्रतिवेदन प्रस्तुत गर्नु भएको थियो ।उक्त कार्यक्रममा यस प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका सह-निर्देशकज्यू लगायत अन्य सिनियर प्रहरी अधिकृतज्यू, जुनियर प्रहरी अधिकृत र प्रशिक्षक तथा प्रशिक्षार्थीहरूको समेत उपस्थिति रहेको थियो ।