"उत्कृष्टताको लागी केन्द्र"
नेपाल प्रहरी अपराध अनुसन्धान विद्यालय, महाराजगञ्जमा सञ्चालन भएको “साईबर अपराध अनुसन्धान (सि.प्र.अ./जु.प्र.अ.) तालिम" सातौं समूहको मिति २०८२।०८।२६ गते प्रतिष्ठानका कार्यकारी निर्देशक श्रीमान् प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा समापन कार्यक्रम सम्पन्न भयो । उक्त कार्यक्रममा प्रमुख अतिथिज्यूले दीक्षित भई जाने सम्पूर्ण प्रशिक्षार्थीहरुलाई प्रमाणपत्र वितरण गर्नुका साथै अनुसन्धान अधिकारीले सूचना प्रविधिमा विज्ञता हासिल गरी वर्तमान अवस्थामा चुनौतीको रुपमा रहेको साईबर अपराधको सफल अनुसन्धान गर्न तालिममा सिकेका ज्ञान र सिपलाई कार्यक्षेत्रमा अक्षरश पालना गर्न निर्देशन समेत दिनुभयो भने तालिम संयोजक प्रहरी नायव उपरीक्षक लक्षमी खनालज्यूले तालिम सम्बन्धी संक्षिप्त प्रतिवेदन प्रस्तुत गर्नु भएको थियो ।उक्त कार्यक्रममा यस प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका सह-निर्देशकज्यू लगायत अन्य सिनियर प्रहरी अधिकृतज्यू, जुनियर प्रहरी अधिकृत र प्रशिक्षक तथा प्रशिक्षार्थीहरूको समेत उपस्थिति रहेको थियो ।
मिति २०८२/०७/१६ गते देखी नेपाल प्रहरी अपराध अनुसन्धान विद्यालय महाराजगञ्जमा सञ्चालित अपराध अनुसन्धान (सि.प्र.अ.) तालिम १०० औं समूहको आज मिति २०८२/०८/२६ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा समापन कार्यक्रम सम्पन्न भयो । उक्त कार्यक्रममा प्रमूख अतिथिज्यूले दीक्षित भई जाने प्रशिक्षार्थीहरूलाई प्रशिक्षणको क्रममा प्राप्त गरेको ज्ञान, सीप र क्षमतालाई कार्यक्षेत्रमा उच्च मनोबलका साथ अक्षरक्ष पालना गरी नेपाल प्रहरी संगठनको अपराध अनुसन्धान क्षेत्रलाई सदैव प्रयत्नशील राखिरहनुपर्ने कुरामा जोड दिदै प्रमुख अतिथिज्यूले शुभकामना सहितको निर्देशन सम्बोधन र प्रमाणपत्र वितरण समेत गर्नुभएको थियो भने तालिम संयोजक प्रहरी नायव उपरीक्षक भाष्कर खतिवडाज्यूले तालिम सम्बन्धि संक्षिप्त प्रतिवेदन प्रस्तुत गर्नु भएको थियो ।उक्त कार्यक्रममा यस प्रतिष्ठानका निर्देशकज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, प्रतिष्ठानका सह-निर्देशकज्यू लगायत अन्य सिनियर प्रहरी अधिकृतज्यू, जुनियर प्रहरी अधिकृत र प्रशिक्षक तथा प्रशिक्षार्थीहरूको समेत उपस्थिति रहेको थियो ।
राष्ट्रिय प्रहरी प्रशिक्षण प्रतिष्ठान, महाराजगञ्जका कार्यकारी निर्देशक श्रीमान् प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यतामा नेपाल तेक्वान्दो संघको आयोजनामा सातदोबाटो स्थित तेक्वान्दो हलमा सञ्चालन भएको “13th Korean Ambassador International Open Taekwondo Championships 2025” मा नेपाल प्रहरीका तेक्वान्दो खेलाडीहरूले ६ स्वर्ण, ५ रजत र ४ कास्य गरी जम्मा १५ पदक प्राप्त गरी टिम द्वितीय हुन सफल, अर्जुनधारा नगर खेलकुद समिति, झापाको आयोजनामा झापा शनिश्चरे स्थित लक्ष्मी माध्यमिक विद्यालयको खेल मैदानमा सञ्चालन भएको “अर्जुनधारा खुल्ला महिला भलिबल प्रतियोगिता २०८२” मा नेपाल प्रहरीको महिला भलिबल टिम प्रथम स्थान हासिल गर्न सफल, त्रिभुवननगर जेसीजको आयोजनाममा दाङमा सञ्चालन भएको “त्रिभुवननगर जेसीज म्याराथन (चौथो संस्करण)” अन्तर्गत ११ कि.मि. दौड तर्फ नेपाल प्रहरीका एथ्लेटिक्स खेलाडीहरू प्र.ज. नागेश्वर अहिर (पुरुष तर्फ) र प्र.ज. सुमित्रा कुमारी चौधरी (महिला तर्फ) सहभागी भई द्वितीय स्थान हासिल गर्न सफल र पोखरा अल्ट्रा ट्रेल रनिङ आयोजक समितिको आयोजनामा पोखरामा सञ्चाल भएको “पोखरा अल्ट्रा ट्रेल रनिङ – २०८२” मा नेपाल प्रहरीका एथ्लेटिक्स खेलाडी प्र.ज. लाक्पा निमा शेर्पा उक्त प्रतियोगितामा सहभागी भई द्वितीय स्थान हासिल गर्न सफल हुनु भएका खेलाडी तथा प्रशिक्षकहरूलाई हार्दिक बधाई तथा शुभकामना प्रदान गर्नु भयो ।
मिति २०८२/०८/२५ गते यस प्रतिष्ठानका कार्यकारी निर्देशक श्रीमान् प्रहरी अतिरिक्त महानिरीक्षक शिद्धी बिक्रम शाहज्यूको प्रमुख आतिथ्यमा मिति २०८१/०४/२१ गते देखि सञ्चालित प्रहरी निरीक्षक आधारभूत तालिम १-१८४ औँ समूह अन्तर्गत पाठ्यक्रममा समावेश भए बमोजिम भीड नियन्त्रण तथा व्यवस्थापन नमुना प्रदर्शनी कार्यक्रम सम्पन्न भयो । उक्त कार्यक्रममा प्रमुख आतिथिज्यूले प्रशिक्षार्थीहरूलाई नेपाल प्रहरीलाई आन्तरिक सुरक्षाको जिम्मेवारी सैवधानिक तथा कानुनी दायित्वको रुपमा रहेको र दङ्गा तथा भीड व्यवस्थापन सोही दायित्वको एक महत्वपूर्ण जिम्मेवारी रहेको र सो सम्बन्धमा नेपालको संविधानले मौलिक हकको रुपमा प्रदान गरेको नागरिकको स्वतन्त्रतालाई समेत ध्यानमा राखी भीड व्यवस्थापन गर्नु पर्ने, विशेषत ग्राउण्ड कमाण्डरको भुमिकामा रहने प्रहरी निरीक्षकको एक निर्णयले सम्पूर्ण घटना क्रमलाई सकारात्मक वा नकारात्मक दिशा तर्फ मोड्न सक्ने हुँदा प्रशिक्षार्थीहरूलाई प्रदान गरिएको सैदान्तिक शिक्षा तथा व्यवहारिक अभ्यासद्वारा तथ्यमा आधारित विवेकपूर्ण निर्णय, नागरिकमैत्री कार्यशैली, आवश्यकताको आधारमा संयमित र समानुपातिक बल प्रयोग र वैधानिक प्रक्रिया प्रति अविचलित प्रतिबद्धता सहित भीडलाई नियन्त्रण भन्दा व्यवस्थापन गर्नु हुनेछ भन्ने अपेक्षा समेत व्यक्त गर्नु भएको थियो ।सोही कार्यक्रममा प्रतिष्ठानका निर्देशकज्यू, अपराध अनुसन्धान विद्यालयका प्रधानाचार्यज्यू, सह-निर्देशकज्यू, सिनियर प्रहरी अधिकृत, अन्य प्रहरी कर्मचारी तथा प्रशिक्षार्थीहरूको समेत उपस्थिति रहेको थियो ।
राष्ट्रिय प्रहरी प्रशिक्षण प्रतिष्ठानमा मिति २०८२/०१/२१ गतेदेखि सञ्चालन भएको १५६ कार्यदिन अवधिको कराते आधारभूत तालिम ६२ औं समूहको दीक्षान्त कार्यक्रम मिति २०८२/०८/१६ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी विक्रम शाहज्यूको प्रमुख आतिथ्यतामा सम्पन्न भयो ।दीक्षान्त कार्यक्रममा कराते प्रशिक्षार्थीले फाईनल (कुमिते) खेल प्रदर्शन, कराते सम्बन्धी आधारभूत कला प्रदर्शन, एकल तथा सामुहिक आत्मरक्षा कला प्रदर्शन तथा फट्टा डेमोस्ट्रेशन प्रदर्शन गर्नु भएको थियो । उक्त कार्यक्रममा प्रमुख अतिथिज्यूले दीक्षित भई जाने कराते प्रशिक्षार्थीहरूलाई पुरस्कार, प्रमाणपत्र, ब्लाक बेल्ट तथा निर्देशन सम्बोधन समेत गर्नुभएको थियो भने कार्यक्रमका तालिम संयोजक प्रहरी निरीक्षक भरत अधिकारीज्यूबाट तालिम सम्बन्धी संक्षिप्त प्रतिवेदन प्रस्तुत गर्नु भएको थियो ।
राष्ट्रिय प्रहरी प्रशिक्षण प्रतिष्ठानमा सञ्चालित “आर्थिक प्रशासन ग्रेड-२ तालिम” २० औं समूहको मिति २०८२/०८/१५ गते यस प्रतिष्ठानका सह- निर्देशक प्रहरी वरिष्ठ उपरीक्षक श्री बेद बिष्टज्यूको प्रमुख आतिथ्यतामा समापन कार्यक्रम सम्पन्न भयो । उक्त कार्यक्रममा प्रमुख अतिथिज्यूले प्रशिक्षार्थी प्रहरी अधिकृतहरूलाई प्रमाणपत्र वितरण गर्नुका साथै निर्देशन सम्बोधन समेत गर्नुभएको थियो भने तालिम संयोजक प्रहरी निरीक्षक सबिन कुमार संग्रौलाले तालिम सम्बन्धी संक्षिप्त प्रतिवेदन प्रस्तुत गर्नुभएको थियो ।
नेपाल प्रहरीको आर्थिक वर्ष २०८२/०८३ को स्वीकृत वार्षिक तालिम क्यालेण्डर अनुसार नेपाल प्रहरी अपराध अनुसन्धान विद्यालय, महाराजगञ्जमा मिति २०८२/०८/०७ गते प्रहरी नायव उपरीक्षक तथा तालिम संयोजक श्री लक्ष्मी खनालज्यूबाट “साइबर अपराध अनुसन्धान (सि.प्र.अ./जु.प्र.अ.) तालिम सातौँ समूह" को उद्घाटन कार्यक्रम सम्पन्न भएको छ ।
राष्ट्रिय प्रहरी प्रशिक्षण प्रतिष्ठानमा सञ्चालन भएको १५६ कार्यदिन अवधिको "जुडो आधारभूत तालिम" ८८ औं समूहको यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री शिद्धी बिक्रम शाहज्यूको प्रमूख आतिथ्यतामा आज मिति २०८२/०७/२५ गते दीक्षान्त कार्यक्रम सम्पन्न भयो ।उक्त कार्यक्रममा प्रशिक्षार्थीहरूद्वारा बेसिक प्रदर्शन मायामोरी तथा टोवी विशेष प्रदर्शन एकल तथा सामुहिक आत्मरक्षाकला प्रदर्शन र झण्डा सहितको पिरामिड प्रदर्शन समेत भएको थियो भने प्रमुख अतिथिज्यूले दीक्षित भई जाने सम्पूर्ण प्रशिक्षार्थीहरूलाई प्रमाणपत्र, "Black Belt"(1st Dan) प्रदान गर्नुका साथै सर्वप्रथम, द्वितीय र तृतीय हुने प्रशिक्षार्थीहरूलाई "Memento" समेत वितरण गर्नु भएको थियो । कार्यकारी निर्देशकज्यूले दिक्षित भई जाने प्रशिक्षार्थीहरूलाई जुडो तालिममा सिकाइएका कला-कौशल, व्यक्तिगत सुरक्षा, आत्मरक्षा, प्रहरी कार्य, अपराध अनुसन्धान रोकथाम लगायतका अन्य घटना हुने क्षेत्रहरूमा समेत नतिजामुखी प्रतिफल प्राप्त हुनेछ भन्ने विषयमा प्रकाश पार्नुभएको थियो । सो कार्यक्रममा तालिम संयोजक प्रहरी निरीक्षक भरत अधिकारीले तालिम सम्बन्धी संक्षिप्त प्रतिवेदन प्रस्तुत गर्नुभएको थियो ।
नेपाल सरकार (मन्त्रिपरिषद) को मिति २०८२।०६।१२ गतेको निर्णयले नेपाल प्रहरी प्रधान कार्यालय कार्य विभाग, नक्सालबाट राष्ट्रिय प्रहरी प्रशिक्षण प्रतिष्ठान, महाराजगञ्जमा सरुवा हुनुभएका प्रहरी अतिरिक्त महानिरीक्षक श्री शिद्धी बिक्रम शाहज्यू, आज मिति २०८२ असोज २३ गते यस प्रतिष्ठानमा हाजिर हुनु भई पदभार ग्रहण गर्नुभयो ।
प्रतिष्ठानका कार्यकारी निर्देशक प्रहरी अतिरिक्त महानिरीक्षक श्रीमान् सुदिप गिरिज्यूको आज मिति २०८२।०५।१८ गतेबाट ३० वर्षे सेवा अवधी पुरा गरी सेवाबाट अनिवार्य अवकाश हुनलाग्नु भएकोले आज यस प्रतिष्ठानमा औपचारिक कार्यक्रम आयोजना गरी विदाई कार्यक्रम सम्पन्न गरिएको छ । विदाई कार्यक्रममा प्रतिष्ठानका निर्देशक प्रहरी नायब महानिरीक्षक दिपेन्द्र जि.सी.ज्यूले विदाई भई जानुहुने प्रहरी अतिरिक्त महानिरीक्षकज्यूलाई प्रतिष्ठानको तर्फबाट मायाको चिनो प्रदान गरी शुभकामना समेत मन्तव्य व्यक्त गर्नु भएको थियो, मन्तव्य राख्ने क्रममा समाजमा अपराध नियन्त्रण गर्ने, अपराधको प्रभावकारी अनुसन्धान गरी शान्ति सु-व्यवस्था कायम गर्ने महत्वपूर्ण जिम्मेवारी बोकेको यस पवित्र संगठनमा सेवा गर्न पाउनु नै एउटा नागरिकको लागि गर्वको कुरा हो, त्यसमा पनि करिब ३० बर्ष अविछिन्न सेवा गरी नेपाल प्रहरीका बिभिन्न प्रहरी इकाईहरुमा कुशलतापूर्वक जिम्मेवारी निर्वाह गरी प्रहरी जीवनबाट स-सम्मान अवकास हुन लाग्नु भएकोमा प्रहरी अतिरिक्त महानिरीक्षक सुदिप गिरीज्यूलाई हार्दिक बधाई दिंदै उहाँको भावि जीवनको उत्तरोत्तर प्रगतीको लागि शुभकामना समेत व्यक्त गर्नु भयो । यसै गरी उहाँलाई पेशागत जीवनमा सफल बनाउन सदैव साथ दिई हौसला प्रदान गरिरहनुहुने उहाँकी धर्मपत्नी कल्पना गिरीज्यूलाई समेत हार्दिक धन्यवाद तथा शुभकामना दिनु भयो ।विदाई मन्तव्य राख्ने क्रममा अवकाश हुनुहुने प्रहरी अतिरिक्त महानिरीक्षक श्री सुदिप गिरीज्यूले आफुले नेपाल प्रहरीको सदस्य भई निरन्तर राष्ट्रिय तथा अन्तराष्ट्रिय रुपमा सेवा गर्ने अवसर पाएकोमा ज्यादै गौरवान्भित भएको महशुस गरेको र जीवन सफल भएको कुरा व्यक्त गर्दै आफ्ना मातापिता, परिवारजन, नेपाल सरकार, तालुक कार्यालयहरु, नेपाली नागरिक, नेपाल प्रहरी संगठन, प्रत्यक्ष परोक्ष साथ सहयोग गर्नुहुने सबै महानुभावहरुको स्मरण गर्दै सबै प्रति हार्दिक आभार तथा कृतज्ञता व्यक्त गर्नु भयो । मन्तव्य राख्ने क्रममा उहाँले एक पटक प्रहरीको पहिचान बनाए पछि बाचुञ्जेल हाम्रो परिचय प्रहरीकै रुपमा रहने भएकोले यस पहिचानलाई बाँचुञ्जेल अक्षुण्ण राख्ने आफूले प्रण गरेको कुरा समेत व्यक्त गर्नु भयो ।उक्त कार्यक्रममा प्रतिष्ठान परिवार नारी विकास प्रशिक्षण केन्द्रकी अध्यक्षज्यू, PGDPS कार्यक्रमका सल्लाहाकारज्यू, राष्ट्रिय प्रहरी प्रशिक्षण प्रतिष्ठानका निर्देशक तथा नेपाल पुलिस स्टाफ कलेजका निर्देशकज्यू, नेपाल प्रहरी शिक्षालय, भरतपुरका समादेशकज्यू, नेपाल प्रहरी युक्ति तालिम महाविद्यालय जर्गाहका प्राचार्यज्यू, नेपाल प्रहरी अपराध अनुसन्धान विद्यालयका प्रधानाचार्यज्यू, लगायतका प्रतिष्ठानका प्रहरी अधिकृत तथा अन्य दर्जाका प्रहरी कर्मचारीहरुको उपस्थिति रहेको थियो ।
राष्ट्रिय प्रहरी प्रशिक्षण प्रतिष्ठानमा मिति २०८२/०२/२५ गते देखि सञ्चालन भएको २० कार्यदिन अवधिको “Strategic Command and Management (SCM) (DIGP/SSP) Training” पाचौं समूहको ने.प्र.प्र.का. मानवश्रोत विकास विभाग प्रमुख श्रीमान् प्रहरी अतिरिक्त महानिरीक्षक दान बहादुर कार्कीज्यूको प्रमुख आतिथ्यतामा आज मिति २०८२/०३/१६ गते तालिम समापन कार्यक्रम सम्पन्न भयो । कार्यक्रममा तालिम संयोजक प्रहरी नायव महानिरीक्षक दिपेन्द्र घर्ति क्षेत्रीज्यूले तालिम सम्बन्धी प्रतिवेदन प्रस्तुत गर्नु भएको थियो ।
नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखाको च.नं. ७७३१, मिति २०८२/०३/०९ गतेको निर्णयानुसार जनपद प्रहरी समूह तर्फको प्रहरी हवल्दार पदबाट प्रहरी बरिष्ठ हवल्दार पदमा वढुवा हुनु भएका प्रहरी कर्मचारीहरुलाई यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूबाट आज मिति २०८२/०३/१२ गते दर्ज्यानी चिन्हद्वारा सुशोभन कार्यक्रम सम्पन्न भयो ।
आज मिति २०८२/०२/२७ गते राष्ट्रिय प्रहरी प्रशिक्षण प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा अन्तरक्रिया तथा समापन कार्यक्रम सम्पन्न भयो । उक्त कार्यक्रममा दीक्षित भई जाने जुनियर प्रहरी अधिकृतहरुलाई प्रशिक्षणको क्रममा प्राप्त गरेका ज्ञान, सीप र क्षमतालाई कार्यक्षेत्रमा उच्च मनोबलका साथ अक्षरस पालना गरी विशिष्ट व्यक्तिको सुरक्षामा खटिनु पर्ने कुरामा जोड दिदै प्रमुख अतिथिज्यूले शुभकामना सहितको निर्देशन सम्बोधन र प्रमाणपत्र वितरण समेत गर्नु भएको थियो । साथै तालिम संयोजक प्रहरी नायव उपरीक्षक राजु पाण्डेले तालिम सम्बन्धी संक्षिप्त प्रतिवेदन प्रस्तुत गर्नु भएको थियो ।
राष्ट्रिय प्रहरी प्रशिक्षण प्रतिष्ठान, महाराजगञ्जमा सञ्चालित प्रशिक्षक प्रशिक्षण (सि.प्र.अ.) तालिम ३९ औं समूहको आज मिति २०८२/०२/२५ गते नेपाल पुलिस स्टाफ कलेज तथा यस प्रतिष्ठानका निर्देशक प्रहरी नायव महानिरीक्षक श्री दिपेन्द्र जि.सी.ज्यूको प्रमूख आतिथ्यतामा तालिमको अन्तरक्रिया तथा समापन कार्यक्रम सम्पन्न भयो । उक्त कार्यक्रममा प्रमुख अतिथिज्यूले दीक्षित भई जाने प्रशिक्षार्थीहरुलाई प्रमाण पत्र वितरण गर्नुका साथै निर्देशन सम्बोधन समेत गर्नु भएको थियो भने तालिम संयोजक प्रहरी उपरीक्षक नवराज कार्कीले तालिम सम्बन्धि संक्षिप्त प्रतिबेदन प्रस्तुत गर्नु भएको थियो ।
नेपाल पुलिस स्टाफ कलेज तथा यस प्रतिष्ठानका निर्देशक प्रहरी नायव महानिरीक्षक श्री दिपेन्द्र जि.सी.ज्यूको प्रमुख आतिथ्यमा आज मिति २०८२/०२/२५ गते यस प्रतिष्ठानमा सञ्चालित Strategic Command and Management (SCM) (प्र.ना.म.नि./प्र.व.उ.) तालिम पाचौं समूहको समुद्घाटन कार्यक्रम सम्पन्न हुनुका साथै तालिम संयोजक समेत रहनु भएका निर्देशकज्यूले तालिम सम्बन्धी संक्षिप्त परिचय (Course Introduction) समेत प्रस्तुत गर्नु भएको थियो ।उद्घाटन कार्यक्रमलाई निर्देशन सम्बोधन गर्ने क्रममा प्रमुख अतिथिज्यूले नेपाल प्रहरीको रणनीतिक नेतृत्व तथा व्यवस्थापकीय क्षमता अभिवृद्धि गर्ने यस तालिमलाई व्यवस्थित र प्रभावकारी रूपमा सञ्चालन गर्ने महत्वपूर्ण जिम्मेवार प्राप्त Centre for Excellence यस प्रतिष्ठानले तालिम पाठ्यक्रमले तोकेको मापदण्डमा रही तालिमलाई पूर्णतया गुणस्तरीय, नतिजामुखी र प्रभावकारी बनाउन हरदम प्रयासरत रहेको साथै प्रशिक्षार्थीहरूलाई यस प्रतिष्ठानको Ground Rules & Regulations भित्र रहेर उच्चतम उत्साहजनक र सहभागीतामुलक तबरले तालिममा सहभागी भई तालिम सफलतापूर्वक सम्पन्न गर्न समेत शुभकामना प्रदान गर्नु भयो ।
नेपाल सरकार गृहमन्त्रालय (माननीय गृहमन्त्रीस्तर) को मिति २०८२/०२/१६ गतेको निर्णयअनुसार र नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखाको च.नं. ७२८७, मिति २०८२/०२/१६ गतेको पत्रले नेपाल प्रहरी अपराध अनुसन्धान विद्यालयबाट नेपाल प्रहरी प्रधान कार्यालय मानवश्रोत विकास विभाग वृत्ति विकास महाशाखा नक्साल, काठमाण्डौमा सरूवा भई जान लाग्नु भएका प्रहरी बरिष्ठ उपरीक्षक ओम प्रसाद अधिकारीज्यूलाई आज मिति २०८२/०२/२३ गते यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूको प्रमुख आतिथ्यतामा “शुभकामना तथा फेरि भेटौंला” कार्यक्रम सम्पन्न भयो । उक्त कार्यक्रममा प्रमुख अतिथिज्यूले प्रतिष्ठानको तर्फबाट मायाको चिनो हस्तान्तरण गर्नुका साथै आगामी व्यवसायिक जीवनको सफलताको शुभकामना समेत व्यक्त गर्नु भयो ।
आज मिति २०८२/०२/२३ गते संगठन प्रमुख प्रहरी महानिरीक्षक श्रीमान् दिपक थापाज्यूको आगमन भई यस प्रतिष्ठान, नेपाल पुलिस स्टाफ कलेज र नेपाल प्रहरी अपराध अनुसन्धान विद्यालयको निरीक्षण कार्यक्रम सम्पन्न भयो । संगठन प्रमुखज्यूबाट, Physiotherapy and Rehabilitation Center, Indoor Cricket Ground, मेस, व्यारेकको स्थलगत निरीक्षण, भौतिक संरचना, विभिन्न शाखा, उप-शाखाहरुको निरीक्षण गर्नुका साथै प्रतिष्ठान परिसरमा वृक्षारोपण गर्नु भई प्रहरी निरीक्षक आधारभूत तालिम १-१८४ औं समूहको पानसमा दीप प्रज्वलन गरी समुद्घाटन गर्नुका साथै यस प्रतिष्ठानबाट भए गरेका विभिन्न गतिविधि तथा क्रियाकलापहरु सहितको प्रस्तुतीकरणमा सहभागी हुनु भई प्रतिष्ठानमा कार्यरत सम्पूर्ण प्रहरी कर्मचारीहरूलाई निर्देशन सम्बोधन समेत गर्नु भएको थियो ।उक्त कार्यक्रममा यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूबाट श्रीमान् प्रहरी महानिरीक्षकज्यूलाई स्वागत गर्नुका साथै निरीक्षण भ्रमण सम्पन्न पश्चात “कृतज्ञताको चिनो” प्रदान गरी धन्यवाद ज्ञापन सहित विदाई समेत गर्नु भएको थियो ।
नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखाको च.नं. ७३११, मिति २०८२/०२/१९ गतेको निर्णयानुसार जनपद प्रहरी समूह तर्फको प्रहरी बरिष्ठ हवल्दार पदबाट प्रहरी सहायक निरीक्षक पदमा बढुवा हुनु भएका प्रहरी सहायक निरीक्षक भिम प्रसाद रिमालज्यूलाई यस प्रतिष्ठानका कार्यकारी निर्देशक प्रहरी अतिरिक्त महानिरीक्षक श्री सुदिप गिरीज्यूबाट आज मिति २०८२/०२/२१ गते दर्ज्यानी चिन्हद्वारा सुशोभन कार्यक्रम सम्पन्न भयो ।
